Откако хрватскиот стручњак Игор Тудор беше отпуштен во понеделникот, 66-годишниот Лучијано Спалети се споменува како главен кандидат за клупата на италијанскиот фудбалски великан Јувентус.
Неделниот пораз на гости од Лацио (0:1) му пресуди на Тудор. Тоа беше осми натпревар по ред за Јувентус без победа, при што торинската „Стара дама“ не постигна гол во ниту еден од последните четири натпревари.
Италијанските медиуми објавуваат дека Спалети би можел да биде наследник на Тудор. Според последните информации, Јувентус е подготвен да му понуди на Спалети договор до крајот на оваа сезона со обврска да го продолжи доколку се квалификуваат за Лигата на шампионите следната сезона.
Спалети беше отпуштен од италијанската репрезентација во јуни оваа година, која ја водеше од август 2023 година. Пред тоа, го предводеше Наполи до „скудетото“ во 2023 година, а во текот на кариерата ги водеше и Интер, Рома, Зенит, Удинезе, Анкона…
Јувентус моментално е на осмото место со 12 бода, шест зад лидерите Наполи и Рома.
Слични новости
Упамекано најверојатно заминува од Баерн Минхен
Упамекано бара годишна плата од 16 милиониу евра, а управата на Баерн не е подготвена да ги прифати овие услови. За Упамекано се заинтересирани Реал Мадрид и Париз Сен Жермен.
Филаделфија ја победи Индијана со 39 коша на Џоел Ембид
Камерунскиот центар Џоел Ембид сезонава за прв пат одигра добро и постигна 39 коша и 10 скокови во победата на Филаделјфија против Индијана 115:105. Своја најдобра партија во дресот на Филаделфија сезонаваимаше и ветеранот Пол Џорџ кој постигна 23 поени
Тотенхем со понуда за Семењо во зимскиот преоден рок
Тотенхем е подготвен да плати 65 милиони фунти на Борнмут, колку што е откупната клаузула за напаѓачот од Гана Антоан Семењо и е подготвен да му понуди услови според кои би бил еден од најплатените фудбалери во клубот.