Германските социјалдемократи планираат да воведат програма „Произведено во Германија“ во идната влада за да ги поттикнат инвестициите во најголемата европска економија, покажа предизборниот манифест на партијата во неделата пред веројатните предвремени избори следната година.
Планот вклучува директен поврат на данок од 10 отсто за инвестициите во опремата на компанијата, според документот што го видел Reuters.
Германскиот канцелар Олаф Шолц, член на SPD, испрати барање до парламентот минатата седмица да се одржи гласање за доверба во понеделник, со што се отвора патот за предвремени федерални избори следната година по распадот на неговата коалиција.
SPD во моментов има поддршка од 17 отсто, покажа истражувањето на INSA објавено во саботата, зад конзервативната CDU и крајно десничарската AfD – кои имааат 31 отсто, односно 20 отсто.
SPD, која управува со Германија во малцинска влада со Зелените, во својот изборен манифест наведува дека планира да го поттикне купувањето електрични автомобили од германско производство со привремени даночни олеснувања за купувачите. Исто така, предлага формирање таканаречен Германски фонд, првично вреден 100 милијарди евра, за поддршка на клучните области како што се електричната енергија, мрежите за греење, водородната инфраструктура, станиците за е-полнење и домувањето.
Слични новости
Зеленски: Украина „целосно конструктивна“ во разговорите со американските претставници
Претседателот Володимир Зеленски рече дека позицијата на Украина на разговорите во Саудиска Арабија со американските претставници во вторник ќе биде „целосно конструктивна“ и дека се надева на практични исходи од преговорите за ставање крај на руската војна во неговата земја
САД укинуваат 83 отсто од проектите за меѓународна помош финансирани од УСАИД
Американскиот државен секретар Марко Рубио детално го опиша големото скратување на проектите управувани од меѓународната агенција за развој УСАИД
Сирија: SDF предводени од Курдите ќе се интегрираат во државните институции
Сириските демократски сили (SDF) предводени од Курдите, поддржани од САД, кои контролираат голем дел од североисточниот дел на Сирија, богат со нафта, потпишаа договор со кој се согласуваат да се интегрираат во новите државни институции предвоени од шеријатските власти, соопшти во понеделникот сириското претседателство