Бугарија ќе дозволи американските воени авиони да останат на нејзина територија, како членка на НАТО до крајот на јуни, иако САД сеуште не одговорија на барањето за безвизен режим за бугарските граѓани, изјави премиерот Румен Радев.
Тој рече дека разбира колку се сложени административните процедури, но дека Бугарија има сопствени приоритети и дека не може да прифати долготрајно присуство на американските воени авиони и цистерни на аеродромот во Софија.
Радев потсети дека претходно овој месец разговарал со американскиот претседател Доналд Трамп и побарал укинување на визниот режим за бугарските државјани, но досега не добил позитивен одговор.
Американските воени авиони се стационирани во Софија врз основа на договорот кој трае до крајот на мај, а бугарската влада ќе усвои одлука за продолжување на нивниот престој до крајот на јуни, за да им се остави време на САД да го преиспитаат својот став.
Бугарија е една од малубројните земји во ЕУ за чии граѓани САД бараат визи. Во последните години Бугарија во повеќе наврати го отвараше ова прашање со Вашингтон.
Слични новости
Американските бизнисмени кои го придружуваат Трамп во посетата на Кина оценија дека состаноците поминале многу добро
Меѓу извршните директори кои беа видени како ја напуштаат Големата сала на народот беа извршниот директор на компаниите „Tesla“ и „SpaceX“, Илон Маск, извршниот директор на „Apple“, Тим Кук, и директорот на „Nvidia“, Џенсен Хуанг.
Французинката заразена со хантавирус во критична состојба
Во критична состојба е французинка која е заразена за време на епидемијата на смртоносниот хантавирус на крузерот под Холандиско знаме. Бројот на регистрирани случаи веќе достигна 11, од кои 9 се потврдени.
Доналд Трамп во посета на Кина и средба со Си Џинпинг
Американскиот претседател Доналд Трамп треба да пристигне во Пекинг денеска на неговиот долгоочекуван самит со кинескиот лидер Си Џинпинг во момент кога светот е загрижен за војната, трговијата и вештачката интелигенција.