Рокот за определување на притвор за првообвинетиот за трагедијата во кочански Пулс Дејан ЈОванов истекува во петок и после 3-ти октомври нема законска можност за ново продолжување на притворот по што обвинителството смее да побара поблаги мерки за обезбедување.
Од обвинителството велат дека јавноста ќе биде известена кога ќе биде донесена одлука за тоа какви мерки на обезбедување ќе се побараат.
Одбраната на обвинетиот понуди и гаранција во имот како дополнителна потврда дека тој нема да бега. Но, додека рокот истекува, во моментот не може да има никаква судска одлука бидејќи предметот е во Обвинителството.
На брифингот претседателката на скопскиот Кривичен суд Даниела Димовска соопшти дека досега на судскиот процес за кочански Пулс имало 49 рочишта, а ниту едно не било одложено како што често се случува во големите судски предмети или кога обвинети се функционери за злоупотреби.
Завршено е изведувањето на докази на обвинителството, а од утре ќе почнат доказите на одбраната на 34 обвинети.
Слични новости
Косовскиот премиер, Курти доаѓа во Скопје
Премиерот на Република Косово, Албин Курти денеска доаѓа во официјална посета на Скопје каде ќе присуствува на централниот настан по повод роденденот на Мајка Тереза
Активни три пожари на отворен простор, а 25 изгаснати во изминатото деноноќие
На територијата на државата во текот на изминатото деноноќие до 07:30 часот се регистрирани вкупно 29 пожари на отворен простор, од кои три се активни, еден е ставен под контрола, а 25 се изгаснати – соопшти Центарот за управување со кризи
Продолжува судењето за пожарот во дискотеката „Пулс“ во Кочани
Во судницата во Идризово при Основниот кривичен суд Скопје денеска треба да продолжи судењето за пожарот во дискотеката „Пулс“ во Кочани, во кој загинаа 63 лица, а над 200 беа повредени.