Собранието изгласа повеќе закони, меѓу кои и од пакетот за „Безбеден град“

Собраниската Комисија за одбрана и безбедност претходно денеска ги проследи измените на Законот за полиција и измените и дополнувањата на Законот за безбедност на сообраќајот на патиштата, кои се дел од пакетот закони потребни за целосно функционирање на ситемот „Безбеден град“ на понатамошна постапка во Собранието.

Пратениците, претходно во рамки на 76. седница го завршија претресот по Предлог на закон за изменување и дополнување на Законот за прекршоците, по скратена постапка, кој, исто така, е дел од пакетот шест законски измени за ситемот „Безбеден град“ за кој дополнително ќе се гласа.

Пратеничката Моника Трајанова од ВМРО-ДПМНЕ, образложи дека Законот за прекршоци, како процесен закон со кој се регулира процедурата за постапување на прекшочните органи и судовите со прекршоци опфаќа многу области, меѓу кои и областа безбедност на сообраќајот на патиштата и дека предлог измените преставуваат неопходен правен инстурмент за унапредување на безбедноста на сообраќајот на патиштата со акцент на воведување на модерни електронски системи за детекција и станкционирање на прекршоци.

-Со измените и дополнувањата се воспоставува посебна постапка за прекршоци констатирани со техничи средства и уреди за снимање, вклучително електронска достава преку текстуални пораки или е-пошта, 50 проценти намалување на глобата при доброволно плаќање во рок од осум дена, како и автоматски претстаник на важење на возачката дозвола по акумулирање на три забрани во четири години. Овие измени ќе придонесат за зголемување на ефикасноста на постапката, намалување на административните трошоци и подобрување на општата превенција, и е дел од пакетот на закони кои се неопходно за имплементација на проектот „Безбеден град“, изјави Трајанова.

Пратеникот Бојан Стојановски од ВМРО-ДПМНЕ, рече дека овој закон е дел од пакетот шест закони за имплементирање на еден од најсериозните проекти во историјата на Македонија, системот „Безбеден град“, кој почна да се имплементира пред неколку недели и практично ќе почне од 1 февруари.

-За овој проект да стане реалност парламентот имаше клучна улога, а тоа е носење на неколку закони од коишто, ние како пратеници кои што го поднесовме овие законски измени, меѓу кои сум и јас потпишан, одлучивме дека кога веќе ќе ги отвораме законите да пробаме да решиме и некои други долгогодишни проблеми, прво од аспект на учесниците во сообраќајот од аспект на безобѕирното и несовесно возење и второ, од аспект на нешто што многу ги мачеше граѓаните, а тоа е беа некои негативни појави во системот за полагање и добивање на возачките дозволи. Со овој закон ние даваме можност практично да биде одземено возило на оној што безобѕурно управува со него и втора работа, која што исто така е важна е да дадеме можност и го прошириме опфатот на тоа какви личности членуваат во комисијата што ги доделува возачките дозволи, но и на каков начин треба да се однесуваат со граѓаните, изјави Стојановски.

Пратениците, во рамки на попладневниот дел на 76. седница без расправа со 65 гласа „за“ и ниту еден „против“ и „воздржан“ го донесоа и Законот за концесии и јавно приватно партнерство, во скратена постапка.