Апелација ја потврди ослободителната пресуда за поранешниот премиер Никола Груевски во случајот „Талир 2“. Со одлуката ВМРО-ДПМНЕ го задржува партиското седиште проценето на 14 милиони евра, како и друг имот вреден околу два милиони евра.
Апелацискиот суд ја одби жалбата на обвинителството оценувајќи дека не било докажано дека ГП „Бетон“ при склучувањето на договорите со партијата вршел јавни услуги и дека постоела законска забрана за донирање.
Пред три години Груевски првостепено беше осуден на шест години затвор, а беше наложена и конфискација на партискиот имот. Таа пресуда апелација ја укина по измените на кривичниот законик, по што судењето почна одново.
За Кирил Божиновски во меѓувреме делото застаре.
Слични новости
Утрово на ГП „Блаце“ се предаде екс директорот на Државна лотарија, Перпарим Бајрами – спроведен е во Шутка
Министерството за внатрешни работи потврди дека утрово, во 5:35 часот, на граничниот премин Блаце, сам се пријавил поранешниот директор на „Државна лотарија“, Перпарим Бајрами, баран со меѓународна потерница. Бајрами, како што информира МВР, е спроведен во Казнено-поправната установа „Затвор Скопје“.
Застреланиот во Арачиново е албанскиот пејач Азиз Мурати од Скопје
Мурати е ранет на влезот во Арачиново, откако во него пукало лице од возило – лице што го познавал од претходно и кое било во друштво со уште едно лице. Од МВР наведуваат дека се преземаат сите мерки и активности за расчистување на случајот.
Активни пожари во општините Струга, Македонски Брод и Чучер-Сандево
Во текот на изминатото деноноќие беа регистрирани вкупно 34 пожари на отворен простор, од кои три се активни, а седум се под контрола, извести Центарот за управување со кризи.