Ден по тешкиот пораз од 1:4 на домашен терен од ПСВ Ајндховен во Лигата на шампионите, англискиот фудбалски великан Ливерпул одржа кризен состанок на раководството на клубот.
Главната поента на состанокот беше дали да му се верува уште или не на 47-годишниот холандски менаџер Арне Слот, бидејќи Ливерпул покажува исклучително лоши резултати оваа сезона. Ливерпул моментално е на 12-то место во Премиер лигата со шест победи и шест порази. Истовремено е на 13-то место во Лигата на шампионите по трите победи и двата пораза.
Англиските медиуми известуваат дека на состанокот на Слот му било понудено уште малку време, односно дека мора да ги добие следните три првенствени натпревари доколку сака да ја задржи работата. Ливерпул во следниот период ќе игра на гостувања против Вест Хем и Лидс во Премиер лигата, како и домашен натпревар против Сандерленд. По овие три дуела, „Црвените“ ќе патуваат во Милано на гостување против Интер во Лигата на шампионите.
Во последните три натпревара Ливерпул загуби трипати и секогаш со дури три гола разлика, со по 0:3 од Манчестер Сити и Нотингем Форест и со 1:4 од ПСВ.
Медиумите известуваат дека управата на клубот веќе го контактирало 58-годишниот Германец Јирген Клоп, тренерот кој постигна одлични резултати на „Енфилд“ од 2015 до 2024 година и кој штотуку беше заменет од 47-годишниот Слот.
Постои можност, велат британските медиуми, Клоп да биде привремено решение додека не се направи нов подолгорочен избор.
Слични новости
Харден десетти најдобар стрелец во НБА
Џејмс Харден се проби меѓу десетте најдобри стрелци на сите времиња во НБА лигата, но неговите 34 поени не беа доволни синоќа да ги одведат неговите Лос Анџелес Клиперс до победа
ПСЖ ја прекина победничката серија на Рен
Европскиот и француски првак Пари Сен Жермен во саботата вечер на домашен терен лесно го победи Рен со 5:0 во рамките на 15-то коло од француската Лига 1
Интер Мајами првпат ја освои МЛС
Фудбалерите на Интер Мајами, предводени од легендарниот Аргентинец, 38-годишниот Лионел Меси, ја освоија шампионската титула во МЛС првпат во својата историја откако како домаќини ги победија Ванкувер Вајткепс со 3:1 во финалето