Три оригинални слики од култниот американски тв-уметник Боб Рос се продадени за повеќе од 600.000 долари на аукција во Bonhams во Лос Анџелес во вторникот, а сите приходи одат за поддршка на јавните радиодифузери низ САД кои се силно погодени од намаленото владино финансирање.
Аукцијата ја организираше Американската јавна телевизија (APT). Вкупно триесет слики беа понудени на аукцијата.
Аукцијата се одржа во живо. Снежниот пејзаж од 1993 година насловен „Зимско спокојство“, кој Рос во целост го насликал за време на неговата 11-годишна емисија на PBS „Радоста на сликањето“, се продаде за 318.000 долари на наддавач преку телефон.
„За добра работа – и ќе добиете слика“, рече аукционерот Арон Бастијан за време на лицитацијата, потсетувајќи се на вообичаената порака на Рос.
Друга слика, создадена во емисија на PBS во 1993 година, зелен пејзаж наречен „Дом во долината“, беше продадена за 229.100 долари, а трета – „Клифсајд“, се продаде за 114.800 долари.
Понудите за сите три слики далеку ја надминаа нивната проценка пред аукцијата од 50.000 долари.
Уште три слики од Рос ќе бидат понудени на аукција во Bonhams во Марлборо, во сојузната држава Масачусетс, на 27-ми јануари а преостанатите аукции ќе бидат во Њујорк и Лондон. Сите нето добивки одат кај станиците што користат содржина од дистрибутерите на American Public Television (APT).
Рос почина во 1995 година. Тој беше голема ѕвезда на јавната телевизија во осумдесеттите и деведесеттите години.
Целта на овие специјални распродажби е да им се помогне на станиците што бараат лиценци за да продолжат со емитување, вклучувајќи ја емисијата на Рос, „America’s Test Kitchen“, „Julia Child’s French Chef Classics“ и „This Old House“, како и емисии од бројни помали и рурални станици.
Тие станици „беа како порта за генерации гледачи да дознаат за трансформативната моќ на уметноста преку туторството на Боб“, рече Џоан Ковалски, идејна зачетничка на аукцијата и претседателка на „Bob Ross Inc.’, компанијата што управува со интелектуалната сопственост, брендот и наследството на Рос.
Таа ја организираше аукцијата инспирирана од фактот дека претходно во 2025 година видела две слики од приватната колекција на Рос кои биле понудени на продажба во Bonhams по високи цени. Се обратила до APT за да истражи дали пообемна продажба би можела да им помогне на јавните станици да ги надоместат загубите поради недостигот од државно финансирање.
Во јули 2025 година, Конгресот намали 1,1 милијарда долари федерално финансирање за јавните радиодифузни корпорации, како одговор на одлуката на претседателот Доналд Трамп да ги укине средствата за јавните медиуми. Ова остави околу 330 PBS и 246 NPR станици без финансирање.
Рос почина на 52-годишна возраст од рак по 11 години емитување на терапевтската емисија „Радоста на сликањето“. Тој беше познат по своето смирувачко однесување и охрабрувачки зборови кон гледачите. Стекна популарност дури во децениите по неговата смрт, а неговите емисии доживеаја пораст на популарноста за време на пандемијата на коронавирусот.
Слични новости
Почина американски архитект Френк Гери
Американскиот архитект Френк Гери, кој стана суперѕвезда во светот на архитектурата со своите смели и необични креации со накривени кули и големи плочи од истегнат метал почина во петок на 97-годишна возраст
Евросонгот во Виена под закана со недостиг од буџет откако четири земји се повлекоа
Натпреварот за песна на Евровизија се соочува со потенцијален недостиг на буџет откако Шпанија, Холандија, Ирска и Словенија се повлекоа од натпреварот поради одлуката на Израел да учествува на следната година
Netflix ги купува филмските и ТВ-студија на Warner Bros
Стриминг гигантот „Netflix“ објави во петокот дека постигнал договор со„ Warner Bros. Discovery“ за купување на филмски и телевизиските студија, вклучувајќи ја и платформата HBO Max