Слабата германска економија се одразува и во намалената побарувачка за работници, особено во индустријата, покажа истражувањето на државната развојна банка KfW и институтот ifo објавено во понеделникот.
Нешто помалку од една третина од анкетираните компании на почетокот на четвртиот квартал посочија дека нивниот бизнис е загрозен од недостиг на квалификувана работна сила, откриваат KfW и ifo.
На почетокот на вториот квартал нивното учество беше 35 отсто, а во октомври лани 45,7 отсто.
Проблемот со недостигот од квалификувана работна сила беше ублажен оваа есен, но не благодарение на подобрената понуда, туку на олабавување на вработеноста во услови на стагнација на германската економија, се вели во заклучокот од истражувањето.
Најмногу ослабела побарувачката на работници во индустријата, која бележи пад на приходите и помалку нарачки.
Услужните компании, од друга страна, продолжуваат да се борат да најдат квалификувани работници, особено во секторот за ревизија и транспортни услуги, покажа истражувањето.
Недостигот од квалификувани работници сè уште кочи значителен број компании, забележува експертот за пазарот на трудот на KfW, Мартин Мулер, и според него, проблемот повторно ќе се интензивира во наредните години, бидејќи економијата ќе закрепне и ќе се пензионира генерацијата на бејби бумер.
Германија ќе мора да вложи максимални напори за да го спречи овој тренд, нагласи Мулер.
Слични новости
Нафтата поевтини на 72 долари
Цените на нафтата паднаа во петокот поради загриженоста за побарувачката следната година, особено во Кина, најголемиот увозник на сурова нафта
Европските берзи во пад, Трамп се заканува со царини
Цените на европските акции остро паднаа во петокот претпладнето, откако новоизбраниот американски претседател Доналд Трамп се закани со царини на увозот од Европската унија
Доларот зајакна, цената на нафтата падна
Индексот на доларот, кој ја искажува вредноста на американската во однос на другите шест најважни светски валути, претпладнево се движи околу 108,45 поени