Американската војска е подготвена уште викендов да го нападне Иран, иако претседателот на Соединетите Амеерикански Држави (САД) Доналд Трамп сè уште не донел конечна одлука за одобрување на таква акција објави американската телевизија Си-Ен-Ен“.
Белата куќа е информирана дека војската би можела да биде подготвена за напад до викендот, по значителното зголемување на воздушните и поморските сили на Блискиот Исток во последните денови.
Сепак, постојат и предупредувања дека Трамп приватно презентирал аргументи за и против воена акција и ги прашал советниците и сојузниците за тоа кој би бил најдобриот тек на дејствување.
Високи претставници за национална безбедност се состанаа во Белата куќа со цел да разговараат за ситуацијата во Иран. Трамп доби дополнителни информации и од специјалниот пратеник Стив Виткоф и од неговиот зет Џаред Кушнер за нивните индиректни разговори со Иран што претходно се одржаа.
Сепак, се уште не е јасно дали Трамп ќе донесе одлука за напад на Иран до викендот.
„Тој поминува многу време размислувајќи за ова“, велат извори за „Си-Ен-Ен“.
Слични новости
Калас: Трамп намерно го ослабнува НАТО
Таа рече дека критиките врз НАТО не се новина во настапите на американскиот претседател, но сега во контекст на зголемени трошоци за одбрана на европските земји, тие стануваат се почести и се помалку втемелени.
Иран им се закани на САД и Израел по обраќањето на Трамп
Иран им се закани на САД и Израел со „уништувачки напади“ по најавите на Доналд Трамп за нови воени удари врз Исламската Република.
Трамп: Војната во Иран ќе заврши многу бргу
Во обраќањето до нацијата од Белата куќа Трамп порача дека САД ќе ги уништат сите ирански електрани и дека ќе ги гаѓаат и постројките за нафта, доколку не биде постигнат договор со иранските лидери.