Сијарто: Студентските протести се обид за дестабилизација на Србија

Министерот за надворешни работи на Унгарија Петер Сијарто изјави дека во студентските протести во Србија гледа обид за дестабилизација на Србија.  „Гледам дека станува збор за дестабилизација на Србија и колку што разбирам тоа не се поттикнува само одвнатре, туку и однадвор“ изјави Сијарто во интервју за РТС.

Според неговите зборови интересот на Унгарија е Србија да остане стабилна. Тоа е добро и за Унгарците во Србија, но и за самата Унгарија и соработката меѓу двете земји. Тој додаде дека Будимпешта и верува на владејачката коалиција во Србија и се надева дека обидот за дестабилизација нема да успее.

Тој исто така рече дека Србија е најсилна земја На западниот Балкан и дека Унгарија верува дека е во интерес на ЕУ таа да стане нејзина членка.