Во Штип во саботата вечерта во тишина, без говори и со пораката „Вие го запаливте пламенот спремете се за оган“ се собраа младите на Градскиот плоштад „Слобода“, изразувајќи го својот револт за несреќата во дискотеката „Пулс“ во Кочани
Тие мирно маршираа низ улиците во централното градско подрачје, поминувајќи покрај црквата „Свети Никола“, завршувајќи го маршот повторно на плоштадот „Слобода“.
Штипјани со длабока тага во потполна тишина им одаваат почит на загинатите во дискотеката во Кочани, меѓу кои и петтемина штипјани.
Слични новости
Системски промени, правда и одговорност, побараа учесниците на вечерашниот протестен марш
Ова не е борба меѓу вас и нас, ова не е борба меѓу партии, ова е борба меѓу чесните и корумпираните. Сакаме системски промени, суштински, а не козметички и додека тие ги полнат своите џебови, ние ќе ги полниме улиците и ќе продолжиме да ги полниме се додека не видиме вистинска промена, е пораката од вечерашниот протестен марш што го организираше граѓанското движење „Кој е следен?“
Свирежи до Владата и Собранието, 16-минутен молк за жртвите од трагедијата во Кочани
„Правда“, „Убијци“, „Не се плашиме“, „Уа профитери“, „Одговорност“, „Нема правда, нема мир“, „Ние сме системот“, „Цела Влада оставка“, се само некои од пораките што вечерва ги упатија учесниците на протестот за настраданите во пожарот во Кочани, кои веќе пристигнаа пред Владата.
„Кој е следен“: Не сме поврзани со ниту една партија, сакаме да живееме во безбедна држава
Ние сме граѓанска иницијатива, не сме поврзани со ниту една политичка партија. Многу е битно да се разграничи партизирање од политизирање. Ние сме активни граѓани, сакаме да останеме тука, да живееме во Македонија, но да е безбедно, бараме одговорност, безбедност и транспарентност и затоа протестираме, изјави Милена Јаневска од граѓанското движење „Кој е следен?“ пред маршот што треба да почне вечерва во 19:00 часот од плоштадот „Македонија“.