Симулациска вежба на заложничка криза се одржа денеска на Меѓународниот Аеродром Скопје на Припадници на специјалните сили на Министерството за внатрешни работи во соработка со аеродромските безбедносни служби на ТАВ Македонија, која има за цел тестирање на капацитетите на институциите на национално ниво како и економскиот оператор ТАВ за справување со вакви ситауции и оценка на ефикасноста на плановите за итни ситуации и вонредни состојби на аеродромот, протоколите за комуникација и координацијата меѓу повеќето учесници.
Директорот на Бирото за јавна безбедност при МВР, Александар Јанев истакна дека вежбата тече на исклучително професионално ниво, а брзината на реакција е соодветно, а едно вакво сценарио покажува колку сме ние како систем подготвени да ги почитуваме процедурите и да одговориме на реални закани.
-Безбедноста на вакви витални инфраструктурни објекти и на секој поединец без разлика дали е вработен или патник на аеродромот е од круцијално значење за нас како полиција, но и на Владата бидејќи со зајакнување и почитување на протоколите кои се пропишани за вакви ситуации нивната имплементација не мапира на високо ниво како служба и како држава во однос на безбедноста на аеродромот на европско и светско ниво, рече Јанев кој додаде дека од досега спроведените инспекциски надзори нема поголеми забелешки.
Тој нагласи дека ова е дел од сетот на симулациски вежби кои што ги имаат во различни области каде како полиција секаде каде се засегнати даваат максимална поддршка и со човечки капацитет и со знаење за да ги осигураме граѓаните дека се грижиме за нивната безбедност.
Заменик-генералниот директор на ТАВ Македонија задолжен за операција Перо Лупевски истакна дека настанот е од исклучително значење за безбедноста на аеродромот и на патниците.
-Со оваа вежба демонстрираме подготвеност, координација и професионализам во справувањето со потенцијалните закани. Високото ниво на обука, брзината на реакцијата и соработката меѓу службите се клучни за заштита на аеродромската оперативан безбедност. Ова не е само тренинг, ова е залог за сигурност, доверба и успешна превенција. Продолжуваме како ТАВ Македонија да инвестираме во обука, во модернизција со цел да ги постигнеме и одржиме највисоките стандарди на безбедност, рече Лупевски.
За време на вежбата, организирана од страна на аеродромскиот оператор, ТАВ Македонија, сите засегнати оддели на Меѓународниот Аеродром Скопје, и Министерството за внатрешни работи, а поддржани и во соработка со националните служби за одговор при итни ситуации и вонредни состојби предизвикани од дејствија на незаконско постапување, беше симулирана вонредна состојба со пратка од висока вредност, заложници и експлозија со импровизирана експлозивна направа, проследена со пожар во затворен простор во приемниот магацин при Карго центарот на ТАВ Македонија. Вежбата овозможи реална, практична можност за проценка и евалуација на координацијата за брз одговор и ефективноста на меѓуинституционалната координација меѓу одделите на скопскиот аеродром, Министерството за внатрешни работи, локалните и националните служби за итни ситуации и вонредни состојби и другите засегнати страни и чинители.
Согледувањата добиени од вежбата ќе се искористат за усовршување на програмите за обука, ажурирање на процедурите за итни ситуации и вонредни состојби, дополнително подобрување на безбедноста и обезбедувањето на патниците и персоналот и зајакнување на соработката и координацијата со МВР.
Слични новости
Македонија и Азербејџан ќе ја унапредуваат соработката во енергетиката и економијата
Македонија и Азербејџан ќе ја унапредуваат соработката преку декларација за стратешко партнерстство и пријателство првенствено со фокус на енергетиката и економијата, а се иницира и укинување на визи за дипломатски и службени пасоши
Спасовски: Наместо реформа во правосудството, власта прави упад во уставниот поредок
Спасовски потенцираше дека реформи во правосудството треба да има, меѓутоа согласно законите и уставните приниципи потенцирајќи дека веќе се подготвуваат неколку законски решенија за системски промени
Ниту еден чекор на Владата нема да биде во насока да се влоши состојбата во медиумскиот сектор
Министерот за дигитална трансформација, Стефан Андоновски, учествуваше во вчерашната дебата на емисијата „360 степени“ на МРТ1, каде што главна тема беа Нацрт-измените на Законот за медиуми. Тој потсети дека нацртот бил објавен на системот ЕНЕР, дека имало различни коментари и дека актуелната верзија е некаква средна вредност што произлегла од нив.