Не може да се говори за ослободувањето на татковината и за државноста без да се оддаде почит на генерациите кои ги поставиле темелите на македонската држава, порача претседателката Силјановска Давкова во честитката за 23 октомври.
Таа истакнува дека партизаните и нивните потомци со право се повикуваат на Илинденското востание и на комитите, нагласувајќи дека саможртвата на оние кои се бореле за национална држава не смее да биде занемарена.
Партизаните и ние, нивните потомци, не случајно се повикуваме на Илинденското востание и на комититите. Впрочем, не можеме да говориме за ослободувањето на татковината, а да ја премолчиме или да ја занемариме саможртвата на оние што со натчовечки напор се обиделе, но не успеале да го остварат сонот за национална држава.
Не можеме да ја чествуваме државноста, а да ја заборавиме пожртвуваноста на поколенијата што ги удриле нејзините темели и ги вградиле животите во нив, наведува Сиљановска-Давкова, додавајќи дека разбирањето на сегашноста е невозможно без познавање и почитување на идеалите и историските чекори преку кои се формирала македонската национална самосвест.
Според Сиљановска-Давкова, чествувањето на делото на револуционерите има смисла само доколку се негуваат вредностите за кои тие се бореле, а нивните идеали се преточуваат во праведност, солидарност и посветеност на општото добро.
Државата, посочува Сиљановска-Давкова, повторно е пред историски испит и сегашните генерации имаат обврска да го продолжат стремежот на претходниците за просперитетна македонска држава.
Слични новости
Одлуката на обвинителството да го затвори случајот за модуларните болници за премиерот Мицкоски скандалозна
Реакцијата на премиерот Мицкоски уследи по одлуката на обвинителството да го затвори предметот за јавните набавки за градењето на 19 модуларни болници во Македонија.
Здравјето на граѓаните во ризик поради пожарите – Препораки од ИЈЗ за заштита од чадот
Пожарите на отворено претставуваат значаен ризик за јавното здравје – предупреди претпладнево Институтот за јавно здравје, од каде посочуваат дека покрај директните последици од огнот, изложеноста на чад може да влијае врз здравјето и на населението кое живее далеку од опожарените подрачја.
За првпат се регистрирани случаи на западно-нилска треска во Центар и Чаир – инфициран и мртов гавран
Според и нформациите од Министерството за здравство во земјата во моментов има 43 случаи на заразено со вирусот Западен Нил, од кои 40 се потврдени, а три се уште се проверуваат.