Се пополнува актерската екипа за филмовите за Битлсите

„Морин, Линда, Јоко и Пати се четири фасцинантни и единствени фигури самите посебе, и одушевен сум што успеавме да ги донесеме четирите најталентирани жени кои работат во филмската индустрија денес да ни се придружат во оваа неверојатна авантура“, рече Мендес.

Треисет иедногодишната Вуд, позната по своите улоги во „Сексуално образование“ и серијата „Белиот лотос“, ќе ја игра манекенката Пати Бојд, која го запознала Џорџ Харисон во 1964 година на снимањето на филмот „A Hard Day’s Night“ со Beatles-ите.

Нејзе ѝ се придружува 31-годишната Ронан, која глумеше во „Лејди Берд“ и „Избегнувањето“, и ќе ја игра фотографката Линда Истман, која го запознала Пол МекКартни во 1967 година, а подоцна се омажи за него.

Саваи, ѕвездата на серијата „Шогун“, ќе ја игра јапонската уметница Јоко Оно, доживотна и креативна партнерка на Џон Ленон, додека актерката од „Како да имате секс“, 28-годишната МекКена-Брус ќе ја игра Морин Старки, првата сопруга на Ринго Стар.

Четирите млади ѕвезди се приклучуваат на претходно најавената екипа, меѓу кои ѕвездата од „Нормални луѓе“ Пол Мескал, кој го игра МекКартни, и ирскиот актер Бери Кеоган, кој го игра Стар.

Актерот од „Бејбигерл“ Харис Дикинсон ќе го игра Џон Ленон, додека колегата на Мескал од „Гладијатор II“, Џозеф Квин, ќе го игра Џорџ Харисон.

Овој проект е првпат живите членови на бендот – Пол Мекартни и Ринго Стар, како и семејствата на Ленон и на Харисон – да ги доделат правата за целата животна приказна и музика за игран филм.

Останува да се види кој ќе ги игра Синтија Ленон, Брајан Епштајн, Џорџ Мартин, Рави Шанкар и други клучни улоги.

Формирани во 1960 година, Битлсите се најпродаваниот музички бенд на сите времиња и една од највлијателните групи во светот.