По неколку години континуиран пад, поддршката за членство во Европската унија од страна на граѓаните во изминатата година значително се зголемила. За членство во Унијата се изјасниле 71 процент, споредено со 62 проценти во 2024 година, покажало истражувањето на Институтот за демократија спроведено теренски во периодот од 22 октомври до 5 ноември 2025 година, на репрезентативен примерок од 1.003 испитаници.
Драстично зголемување на поддршката има кај етничките Македонци од дури 15 проценти, а таква промена е забележана и кај поддржувачите на ВМРО-ДПМНЕ, па од 43 проценти во 2023, доколку утре има гласање за влез во ЕУ, „за“ би гласале 70 проценти од нив.
Причините за ваквите промени од Институтот за демократија го лоцираат во превирањата на геополитичката сцена, односно дека граѓаните се приклонуваат кон ЕУ поради тоа што во неа гледаат најголема безбедност, сигурност и перспектива.
„Континуирано кон ЕУ се гледа како на највлијателен и најдоверлив партнер на оваа земја и тоа не е случај само сега, туку е наназад веќе неколку години, а тоа е проследено со пад на перцепцијата кон САД“,рече Марко Трошановски, извршен директор на Институтот за демократија.
Дури 38 проценти од граѓаните во ЕУ гледаат и главен трговски партнер на Македонија, по што следи САД со 22.
Слични новости
Радио Слободна Европа на македонски јазик престанува со работа на 31 март
Радио Слободна Европа ги затвора бројните подружници низ светот откако администрацијата на американскиот претседател Доналд Трамп го укина финансирањето на медиумските проекти надвор од САД.
Продолжува судењето за трагедијата во Кочани
Во судницата во Идризово продолжува судењето за случајот Пулс. Ќе се сослушуваат тројца сведоци предложени од Јавното обвинителство – Драги Илиевски, Дејан Рашков и Виолета Георгиевска – сите од Општина Кочани.
Поднесено обвинение против три лица за кражба на кабли од кругот на „Железара“
Скопското Основно јавно обвинителство поднело обвинителен акт против три лица кои како соизвршители минатата година на почетокот на мај украле кабли од кругот на фабриката „Железара“ во Скопје.