Семејството на генералот Шарл де Гол ќе ѝ го претстави на Франција ракописот од апелот од 18 јуни 1940 година, во кој тој повикува на отпор кон нацистичка Германија, објави во петокот аукциската куќа Artcurial.
Церемонијата е планирана за 12 јуни во аукциската куќа која во декември го продаваше имотот на најстариот син на генералот, адмиралот Филип де Гол, кој почина на 102-годишна возраст во март 2024 година.
Семејството, исто така, одлучи да донира „речиси 1.300 рачно напишани или отчукани документи од генералот де Гол“, кој почина во 1970 година, соопшти Artcurial.
Ракописот на лондонскиот апел од 18 јуни 1940 година, емитувано од британскиот радиодифузер BBC, веќе беше изложен првпат пред аукцијата, но не беше на продажба.
Двата двострани листа, со бројни избришани места, првично ги чувала Ивон де Гол, сопругата на генералот, а подоцна биле чувани во разни банкарски сефови.
Шарл де Гол, унапреден во генерал за време на борбата против германската инвазија започната во мај 1940 година, ја напуштил Франција со авион за Англија на 17 јуни, спротивставувајќи се на изборот на Филип Петен за шеф на владата и на идејата за примирје со Германија.
На 18 јуни во 18:30 часот тој ги повикал сите други Французи да му се придружат преку радио, велејќи: „Што и да се случи, пламенот на францускиот отпор не смее и нема да се изгасне“.
Слични новости
Илјадници британски студенти направиле плагијати на своте трудови користејќи вештачка интелигенција
Истражувањето што го спроведе лондонскиот весник гардијан покажа дека илјадници студенти минатите години го злоупотребиле „ЧетЏипити“ и други алатки на вештачката интелигенција, додека другите традиционални начини за пишување плагијати се значително намалени.
Метју МекКонахи повторно ќе соработува со креаторот на „Вистински детектив“ Ник Пицолато
Холивудските медиуми известуваат дека дојде време за нова соработка меѓу актерот Метју МекКонахи и креаторот на „Вистински детектив“ Ник Пицолато, кои имаа огромен успех со првата сезона на „Вистински детектив“ за ХБО од 2014.
Актерот Гери Олдман, фудбалерот Дејвид Бекам и музичарот Роџер Далтри ја добија титулата „сер“.
По повод роденденто на британскиот крал Чарлс денеска им беше доделена почесната титула „сер“ на Оскаровецот Гери Олдман, фронтменот на групата „Ху“ Роцер Далтри и на поранешниот капитен на фудбалската репрезентација на Англија Девид Бекам.