Семејствата на загинатите од пожарот во дискотеката Пулс бараат дополнителна токсиколошка анализа, откако ИРЛ објави сторија во која се вели дека според обдукциските наоди на жртвите, ниту една од 50-те жртви од пожарот во кочанскиот див ноќен клуб „Пулс“, кај кои како причина за смрт е утврдено задушување со јаглерод моноксид, немале ни приближно фатални нивоа за да умрат од тоа.
„Разликата меѓу јаглерод моноксид (CO) и водороден цијанид (HCN) е клучна за утврдување на вистината за пожарот. CO е чест резултат на горење, но HCN се создава при горење пластика, сунѓери, изолации и синтетика — материјали што ги има во секоја дискотека и кои се исклучително смртоносни. Во обдукциските наоди е наведен CO, додека вештачењата од Градежниот и Машинскиот/Математичкиот факултет утврдуваат присуство на HCN. Ова создава сериозен и оправдан сомнеж дека анализите не се комплетни или дека не се презентирани сите релевантни податоци. HCN директно укажува на опасни и несоодветни материјали во објектот, прекршени стандарди и можни системски пропусти. Тоа е од суштинско значење за утврдување на одговорноста.
Го бараме следното:
• независна дополнителна токсиколошка анализа,
• јавно објаснување зошто HCN не е наведен во обдукциите,
• усогласување и споредба на медицинските наоди со факултетските вештачења.
Ова не е техничко прашање.
Ова не е статистика.
Ова се 63 прекинати животи.
Ова е прашање на точност, професионалност и институционална одговорност“, стои во соопштението од родителите.
Сторијата на ИРЛ вели дека според обдукциските наоди, хемиското и градежното вештачење, како и новата линија на сведоштва на вклучените во настаните ноќта на 16 март годинава покажува дека во воздухот во клубот „Пулс“ гореле токсични материјали како што е полиуретански сунѓер, кој кога гори испушта водороден цијанид. Обвинителите и вештаците по судска медицина го знаеле ова, но за време на истрагата не гo испитале присуствoтo на цијанид.
Слични новости
Сиљановска – Давкова: Ние сме технички усогласен, но политички блокиран кандидат за членство, ако има решение за Украина и Молдавија, лесно ќе се најде и за нас
ому му одговара да бидеме надвор од ЕУ, ако не на третите сили? Кој отвора влијание за трети сили? Зарем е можно тоа да биде земја – членка на ЕУ и наш прв сосед? Како ЕУ претендира да биде геополитичка Унија, а притоа да ја држи нашата земја и Западниот Балкан во геополитички вакуум? Македонските евроинтеграции се школски пример за последиците од занемарување од процедурата како гаранција за демократијата, истакна претседателката Гордана Сиљановска – Давкова во годишното обраќање пред Собранието
Од 1-ви јануари повисоки сметки за струјата
Наместо предложеното зголемување од 7,66 отсто што ЕВН ХОМЕ го достави во одлуката, РКЕ по спроведени анализи и повторни пресметки, одлучи во прв блок да има корекција од 2,45 проценти. Во втор блок цената ќе се зголеми за 2,87 отсто, додека предлог зголемувањето на ЕВН ХОМЕ е 8,54 проценти. Во трет блок цената ќе се зголеми за 3,32 отсто иако беше предложено да има зголемување од 9,63 проценти и во четврт блок зголемувањето е 3,84 отсто, наместо предложените 11,86 проценти, соопшти денеска претседателот на РКЕ, Марко Бислимовски. Тој посочи дека поскапувањето за 85 отсто од домаќинствата ќе биде за 2,28 отсто или за 57-70 денари на просечната сметка.
СДСМ обвинува за партизација на обвинителството: „Исто како во времето на Груевски“
СДСМ обвини дека власта предводена од премиерот Христијан Мицкоски се обидува да воспостави целосна контрола врз обвинителството и судството, со што, како што наведуваат, се загрозува независноста на правосудниот систем