Северна Кореја првпат во понеделник потврди дека испратила војници да се борат за Русија во војната со Украина по налог на водачот Ким Џонг-ун и дека дала важен придонес во ослободувањето на руската територија окупирана од Украина.
Победничкиот крај на битката за ослободување на рускиот Курски регион го демонстрираше „највисокото стратешко ниво на цврсто воено пријателство“ меѓу Северна Кореја и Русија, соопшти државната новинска агенција KCNA, цитирајќи соопштение од владејачката партија на Северна Кореја.
Русија минатата седмица соопшти дека украинските сили се протерани од последното руско село што го држеа, иако Киев го негираше тврдењето и рече дека нејзините трупи сè уште дејствуваат во Белгород, уште еден руски регион што граничи со Украина.
Ким Џонг-ун ја донел одлуката за распоредување трупи според договорот за стратешко партнерство што го потпиша со Владимир Путин минатата година. Меѓутоа, не се соопштува точната бројка на севернокорејските војници кои учествувале во борбите во Курск.
Русија првпат во саботата потврди дека севернокорејски војници се борат заедно со руските војници во Курск, пишува Reuters. Ниту Русија, ниту Северна Кореја претходно не го потврдуваа но ниту го негираа распоредувањето.
Слични новости
Трамп ја повика Русија да престане со нападите, вели дека Зеленски би можел да го предаде Крим
Американскиот претседател Доналд Трамп ја повика Русија да ги запре нападите врз Украина и наговести дека украинскиот претседател Володимир Зеленски е подготвен да се откаже од Крим за да постигне мировен договор со Москва
Претходната американска помош нема да биде вклучена во договорот за минералите, објави Шмихал
Украина постигна договор дека претходната американска воена помош за Киев нема да биде дел од минералниот договор што има намера да го потпише со Вашингтон, изјави во неделата украинскиот премиер Денис Шмихал
САД: Военото распоредување на Северна Кореја за руската војна во Украина мора да престане
Американскиот Стејт департмент соопшти дека е загрижен за директното вклучување на Северна Кореја во војната на Русија во Украина и дека распоредувањето на воени сили на Пјонгјанг во Русија мора да престане