СДСМ обвини дека власта предводена од премиерот Христијан Мицкоски се обидува да воспостави целосна контрола врз обвинителството и судството, со што, како што наведуваат, се загрозува независноста на правосудниот систем.
Од опозициската партија велат дека целта на ваквите потези е „погребување на правдата“ и избегнување одговорност за, како што тврдат, сомнителни и криминални тендери кои се реализираат на штета на граѓаните.
Како дополнителен аргумент, СДСМ го посочува изборот на новата вршителка на должност државен јавен обвинител, Анита Топалова Исајловска. Според СДСМ, таа е позната по тоа што во минатото барала укинување на предметот „Талир“, во кој меѓу обвинетите беше и поранешниот премиер Никола Груевски, а кој се однесуваше на незаконско финансирање на ВМРО-ДПМНЕ.
Од СДСМ потсетуваат и дека Топалова Исајловска е сопруга на Илија Исајловски, поранешен заменик-министер од редовите на ВМРО-ДПМНЕ, што, според партијата, отвора сериозни сомнежи за политичко влијание и конфликт на интереси.
„Станува збор за веќе видено сценарио, исто како во времето на Никола Груевски“, се наведува во соопштението на СДСМ, од каде порачуваат дека граѓаните нема да дозволат враќање на, како што велат, заробената држава и дека одговорност ќе има.
Слични новости
Од 1-ви јануари повисоки сметки за струјата
Наместо предложеното зголемување од 7,66 отсто што ЕВН ХОМЕ го достави во одлуката, РКЕ по спроведени анализи и повторни пресметки, одлучи во прв блок да има корекција од 2,45 проценти. Во втор блок цената ќе се зголеми за 2,87 отсто, додека предлог зголемувањето на ЕВН ХОМЕ е 8,54 проценти. Во трет блок цената ќе се зголеми за 3,32 отсто иако беше предложено да има зголемување од 9,63 проценти и во четврт блок зголемувањето е 3,84 отсто, наместо предложените 11,86 проценти, соопшти денеска претседателот на РКЕ, Марко Бислимовски. Тој посочи дека поскапувањето за 85 отсто од домаќинствата ќе биде за 2,28 отсто или за 57-70 денари на просечната сметка.
Муцунски: Бадентер не е механизам што се користи при формирање на Владата
Министерот за надворешни работи, Тимчо Муцунски, денес реагираше на изјавите на лидерот на ДУИ, Али Ахмети, дека владата треба да се формира со Бадентер
Муцунски: Не треба да има никаква дилема за евроинтеграцијата дека е наш интерес, но мора да има предвидливост и гаранции
За нашата европска интеграција, прво не треба да има никаква дилема дека наш интерес е да се најде решение за овој спор кој очигледно постои со Бугарија. Ме охрабарува што се повеќе земји членки, а и европските институции развиваат свест и до некој степен и разбирање за нашите позиции, рече на денешната прес-конференција министерот за надворешни работи и надворешна трговија Тимчо Муцунски, одговорајќи на новинарско прашање.