СДСМ реагираше на денешните обвинувања од ВМРО-ДПМНЕ, оценувајќи дека владејачката партија се обидува да ја префрли одговорноста за случувањата во Гостивар врз други политички субјекти. Од партијата прашуваат каква поврзаност имаат, како што велат, „кадрите во Гостивар“ со СДСМ, посочувајќи дека СДСМ никогаш не била на власт во оваа општина.
Според СДСМ, целокупната одговорност за состојбата ја имаат институциите и власта предводени од ВМРО-ДПМНЕ. „Не можете граѓаните во Гостивар да ги убедите дека не сте одговорни. Наместо да ја префрлате вината, треба да ја признаете вистината и да дозволите институциите да ја утврдат одговорноста“, велат од СДСМ.
Партијата обвинува дека власта не може да се дистанцира од последиците од загадувањето што ги погодиле Гостивар и поширокото подрачје.
Слични новости
Во Македонија активни четири пожари
Во изминатото деноноќие во земјава се регистрирани вкупно 33 пожари на отворен простор, од кои 4 се активни, 4 се под контрола, а 25 се изгаснати – соопшти утрово Центарот за управување со кризи.
Филипче: Нема да бидеме алиби за предвремени избори на Мицкоски
Очигледно е дека единствениот параметар кој него го тера да бара избори е тоа што повеќе нема пари во буџетот за неговите криминални тендери. Локално нема ниту еден резултат“, рече Филипче.
Денеска намалени гужвите на граничните премини, но сеуште се чека на Табановце и Богородица
На граничниот премин Табановце се чека околу 40 минути за влез и излез од државата, додека на ГП Богородица времето на чекање за излез изнесува околу 30 минути. На останатите гранични премини нема подолги задржувања.