СДСМ преку соопштение упати обвинувања до власта во врска со случајот со Ива Михаилова, обвинета во судска постапка за сообраќајна несреќа со смртни последици, која, според партијата, ја преминала границата и покрај тоа што судот ѝ ги одзел двата пасоша.
СДСМ ја пренесува изјавата на Михајлова дека границата ја поминала легално, со лична карта, и дека граничните службеници биле запознаени со тоа. Од друга страна, МВР соопштило дека нема евидентиран излез од државата.
Партијата оценува дека случајот отвора сериозни прашања за функционирањето на граничната контрола и за евентуалната одговорност на инволвираните лица.
Од СДСМ упатија критики и до премиерот Христијан Мицкоски, министерот за внатрешни работи Панче Тошковски и ВМРО-ДПМНЕ, обвинувајќи ги за пропусти во контролата на границите.
СДСМ побара итна оставка од Тошковски, наведувајќи дека тој треба да понесе одговорност поради низата скандали.
Од партијата бараат да се утврди кој сè е вмешан во случајот и сите одговорни да сносат последици.
Слични новости
Бугарските политички партии во одбрана на Ива Михајлова
Важно е таа да добие можност за соодветно лекување во Бугарија, и тоа што е можно поскоро – изјави Петрова. Таа оцени дека станува збор за хуманитарен случај за кој, според неа, во Македонија немало соодветна реакција, поради што биле преземени „очајнички чекори“
Платформата 12.05 бара оставка од министрите за внатрешни, за надворешни работи и за правда поради беството на Ива Михајлова во Бугарија
Владата на Мицкоски и на ВМРО-ДПМНЕ е должна веднаш да одговори дали на средбата Муцунски-Чамова во Софија е договорено бегството на Ива Михајлова, кое во Македонија ќе биде иницијална каписла за предвремени парламентарни избори, се наведува во реакцијата на Платформата.
Поправен компјутерскиот томограф на Радиологија
Еден од компјутерските томографи на Универзитетскиот институт за радиологија – Скопје од денеска е ставен во функција и е достапен за извршување дијагностички прегледи, информираа утрово од Министерството за здравство.