Од СДСМ тврдат дека со влезот на „Алта банка“ во македонскиот финансиски систем се отвора можност за ризик на средствата на јавните претпријатија и граѓаните. Според нив, Мицкоски ја внел во земјава финансиската мрежа поврзана со српскиот претседател Александар Вучиќ.
Опозициската партија бара обвинителството да го истражи случајот и порачува дека одговорност мора да има за сите инволвирани, вклучително и за оние кои евентуално би се обиделе да го прикријат случајот.
Од опозициската партија го критикуваат и обвинителот Савески, за кого тврдат дека не постапува самостојно, туку чека политички насоки од премиерот и реагира по јавни барања и политички притисоци.
СДСМ во своите обвинувања се повикува и на случувањата поврзани со „Алта банка“ во Србија и Црна Гора, наведувајќи дека во овие земји имало санкции, одбивање на дозволи и истраги поврзани со финансиското работење на банката. Партијата отвора и прашања за потеклото на капиталот, поврзаноста со лица од криминалното подземје и наводните врски со српски политички и безбедносни структури.
Од СДСМ обвинуваат дека премиерот Христијан Мицкоски вршел притисок врз гувернерот на Народната банка, Трајко Славески, во врска со издавањето дозвола за работа на „Алта банка“. Од партијата бараат Славески да го пријави наводниот притисок, предупредувајќи дека во спротивно и самиот може да се соочи со одговорност.
Слични новости
Николоски бара помош од германските бизнисмени за слободно движење на стоките
Вицепремиерот и министер за транспорт Александар Николоски денеска ги повика германските бизнисмени да помогнат со лобирање кај тамошните власти, нагласувајќи дека ограничувањата директно влијаат врз транспортот на стоки и реализацијата на инвестициите.
Премиерот Мицкоски очекува добри релации со Србија, опозициската СДСМ обвинува за сомнителни трансакции од Србија во Македонија
Премиерот Христијан Мицкоски очекува продолжување на добрососедските односи и на економската соработка со соседна Србија.
Четири лица уапсени за двете убиства во Ѓорче Петров
Четири лица се уапсени во врска со двете убиства кои се случија за неколку дена во скопската општина Ѓорче Петров. Телма објави дека уапсените при распитот во станица ги признале делата.