Од СДСМ тврдат дека со влезот на „Алта банка“ во македонскиот финансиски систем се отвора можност за ризик на средствата на јавните претпријатија и граѓаните. Според нив, Мицкоски ја внел во земјава финансиската мрежа поврзана со српскиот претседател Александар Вучиќ.
Опозициската партија бара обвинителството да го истражи случајот и порачува дека одговорност мора да има за сите инволвирани, вклучително и за оние кои евентуално би се обиделе да го прикријат случајот.
Од опозициската партија го критикуваат и обвинителот Савески, за кого тврдат дека не постапува самостојно, туку чека политички насоки од премиерот и реагира по јавни барања и политички притисоци.
СДСМ во своите обвинувања се повикува и на случувањата поврзани со „Алта банка“ во Србија и Црна Гора, наведувајќи дека во овие земји имало санкции, одбивање на дозволи и истраги поврзани со финансиското работење на банката. Партијата отвора и прашања за потеклото на капиталот, поврзаноста со лица од криминалното подземје и наводните врски со српски политички и безбедносни структури.
Од СДСМ обвинуваат дека премиерот Христијан Мицкоски вршел притисок врз гувернерот на Народната банка, Трајко Славески, во врска со издавањето дозвола за работа на „Алта банка“. Од партијата бараат Славески да го пријави наводниот притисок, предупредувајќи дека во спротивно и самиот може да се соочи со одговорност.
Слични новости
Наредниот период врнежливо, најобилни дождови се очекуваат во недела и понеделник
Променливо облачно време со повремени врнежи од дожд нè очекува во следните денови. Дождот ќе биде поизразен попладне и во текот на ноќта, а во недела и понеделник на одделни места се очекуваат и пообилни врнежи.
ВМРО ДПМНЕ жестоко реагираше на одлуката на Врховниот суд со која се укинаа пресудите за поранешните директори на болницата во тетово
Врховниот суд на Африм Фидани, диригиран од Филипче и Ахмети, ги ослободува од вина директорите на Тетовската болница во која се запали модуларната болница. Каков срам за правосудството во Македонија“ – рече Петрушевски од ВМРО-ДПМНЕ
АЛТА банка Битола соопшти дека е ликвидна и работи во вообичаен режим
АЛТА банка АД Битола информира дека е ликвидна и продолжува со редовно и непречено работење, во услови на актуелните случувања поврзани со АЛТА банка во Република Србија.