Светските берзи силно пораснаа, попушта инфлацијата во САД

По остриот пад во претходните две седмица, минатата овие индекси го забележаа најголемиот седмичен скок во повеќе од два месеци. Тоа во голема мера се должи на ублажувањето на инфлацијата во САД. Имено, минатата седмица беше објавено дека потрошувачките цени во декември се зголемени за 0,4 отсто на месечно ниво, додека во целата минатата година пораснале за 2,9 отсто. Ова е за 0,1 процентен поен помала инфлација од очекувањата на аналитичарите.

Благодарение на ова, повторно зајакнаа шпекулациите за намалување на каматните стапки од страна на централната банка на САД.

„Неодамна, имаше загриженост дека Fed може дури и да ги зголеми каматните стапки, но по овие податоци, како и податоците за цените на производителите, тие стравувања стивнаа. Податоците за цените не се баш одлични, но сигурно не се ниту лоши, па можеме да заклучиме дека инфлацијата се намалува“, објаснува Стивен Масока, потпретседател на компанијата „Wedbush Securities“.

Пазарот проценува дека Fed би можел да ги намали каматните стапки на состанокот во јуни. Дотогаш, велат аналитичарите, челниците на централната банка ќе го следат влијанието на политиката на Доналд Трамп, кој ја презема Белата куќа во понеделник, врз економијата и инфлацијата.

Меѓу 11-те најважни сектори на индексот S&P 500, минатата седмица најмногу скокнаа цените на акциите во банкарскиот сектор, 7,4 отсто, бидејќи неколку од најголемите американски банки објавија подобри од очекуваните квартални деловни резултати. Имено, сезоната на објавување финансиски извештаи по компании и банки започна, а првите извештаи се подобри од очекувањата.