Иако американските Федерални резерви ги намалија каматните стапки, повеќето светски берзи паднаа минатата седмица, главно поради падот на цените на акциите во технолошките компании кои развиваат вештачка интелигенција.
На њујоршки Волстрит, индексот Dow Jones порасна за 1,05 отсто на 48.458 поени минатата седмица, додека S&P 500 падна за 0,6 отсто на 6.827 поени, а Nasdaq падна за 1,6 отсто на 23.195 поени.
До средината на седмицата индексите Dow Jones и S&P 500 достигнаа рекордни нивоа, благодарение на надежите на инвеститорите дека економскиот раст ќе се забрза откако американската централна банка ги намали каматните стапки за 0,25 отстотни поени, во опсегот од 3,50 до 3,75 отсто.
Дополнително, на последната седница од оваа година во средата, челниците на Федералните резерви ги зголемија своите проценки за економскиот раст во следната година од 1,8 на 2,3 отсто, а исто така проценуваат дека стапката на невработеност ќе биде 4,4 отсто на крајот од следната година.
Сепак, доброто расположение на пазарите не траеше долго. Веќе во четврток, послабите од очекуваните деловни резултати на софтверскиот гигант „Oracle“ ги загрижија инвеститорите. Проценките на „Oracle“ за тековниот квартал се послаби од очекуваните аналитичари, а менаџментот предупреди и дека годишните инвестиции ќе бидат за околу 15 милијарди долари повисоки од очекуваните.
Цената на акциите на „Oracle“ потона за речиси 11 отсто во четвртокот, а акциите на голем број други технолошки гиганти исто така беа под притисок поради стравувањата дека развојот на вештачката интелигенција нема да доведе до толку брз раст на профитот како што се надеваа инвеститорите и дека растот на инвестициите може да доведе до презадолженост, како што беше пред пукањето на „меурот“ во таканаречената криза „dot.com“ на почетокот на овој век.
Притисокот врз технолошката услуга продолжи и во петокот, иако деловните резултати на „Broadcom“ беа подобри од очекуваните. И покрај ова, цената на акциите на производителот на чипови падна за повеќе од 11 отсто, на „Oracle“ за дополнителни 4,5 отсто, а на „Nvidia“ за повеќе од 3 отсто.
Како резултат на тоа, индексот Nasdaq, кој е исполент со технолошки акции, го забележа својот најголем пад минатата седмица.
На европските берзи, исто така, се тргуваше неизвесно минатата седмица. Лондонскиот индекс FTSE падна за 0,2 отсто на 9.649 поени, а парискиот CAC 40 падна за 0,6 отсто на 8.068 поени. Франкфуртскиот DAX, од друга страна, порасна за 0,65 отсто на 24.186 поени.
Слични новости
На Холандија ѝ се потребни најмалку 150 милијарди евра инвестиции во продуктивноста
На Холандија ѝ се потребни најмалку 150 милијарди евра инвестиции во следните десет години за да ја подобри продуктивноста, заедно со олабавени регулативи за имиграција на висококвалификувани странски работници и подобрено снабдување со електрична енергија
Доларот падна во однос на кошничката валути трета седмица по ред, еврото зајакна
На светските пазари, американскиот долар падна во однос на кошничката валути минатата седмица, трата по ред, бидејќи американската централна банка ги намали клучните каматни стапки по третпат оваа година
Јужна Кореја вложува над 5 милијарди евра во вештачка интелигенција
Владата на јужна Кореја претстави амбициозен план за вложување на над 5,3 милијарди евра во формирање на најголемиот регионален кластер за напредни чипови и вештачка интелигенција.