Сакраменто Кингс ги победија Хаутсон Рокетс со 125:124 во продолжение на домашен терен синоќа, а победата ја обезбеди Денис Шрудер, кој постигна тројка на 2,2 секунди до крајот. Шрудер го заврши натпреварот со 24 поени, 10 асистенции и седум скока за Сакраменто, кој го надомести заостанувањето од 14 поени во последната четвртина и ја прекина серијата од пет порази. ДеМар ДеРозан имаше 27 поени и девет асистенции, а Киган Мареј имаше 26 за Кингс, кои победија само седми пат во 29 натпревари оваа сезона. Расел Вестбрук имаше 21 поен и 13 скока и тројка што го испрати натпреварот во продолжение на 14,2 секунди до крајот на регуларното време. Поразениот тим го предводеше Алперен Сенгун со 28 пресекувања, а Кевин Дјурант додаде 24 поени, 10 скока и осум асистенции.
Чикаго Булс поставија рекорд во сезоната по број на освоени поени, победувајќи ги Атланта Хокс со 152:150. Матас Бузелис постигна 28 поени за Чикаго, кој имаше предност од седум поени четири ипол минути пред крајот. Но, потоа, Булс погодија само четири од девет слободни фрлања во последната минута понудувајќи ѝ шанса на Атланта. На крајот, Треј Јанг промаши шут со звукот на сирената со што ќе го израмнеше резултатот. Коби Вајт додаде 21 поен, а Џош Гиди го имаше својот 17-ти „дабл-дабл“ учинок во сезоната со 19 поени и 12 асистенции за Булс. Атланта загуби и покрај 36 поени, 11 скока и девет асистенции од Џејлен Џонсон и 35 поени од Јанг.
Њујорк Никс дома ги победија Мајами Хит со 132:125, откако се вратија од заостанувањето од десет поени. Џејлен Брансон постигна најмногу поени во сезоната – 47, Микал Бриџис – 24, а Џош Харт имаше „дабл-дабл“ со 13 поени и 10 скока за Никс, кои имаат освоено осум од девет натпревари, вклучувајќи ја и победата во вторник вечерта над Сан Антонио Спарс во натпреварот за титулата во НБА. За Хит, Кел’ел Вер беше најдобар со 28 поени и 19 скока. Хаиме Хакез помладиот постигна 23 поени од клупата, но промаши две слободни фрлања во доцните минути додека Мајами се обидуваше да направи пресврт.
Бруклин Нетс на гости ги победија Торонто Репторс со 96:81, а Мајкл Портер помладиот ги предводеше до триумфот со 24 коша и 11 скока. Џоа Клоуни додаде 19 поени, а Егор Демин 16 за Нетс, кои победија во два од последните три натпревара. Брендон Инграм постигна 19 поени за Репторс, а Имануел Квикли имаше 17 поени и 10 асистенции, кои имаат два порази по ред.
Сан Антонио Спарс ги победија Вашингтон Визардс со 124:113 на гостински терен. Де’Арон Фокс постигна 27 поени, а Лук Корнет имаше 12 од своите 20 поени во последната четвртина за да му помогне на Сан Антонио да го победи домаќинот. Корнет имаше и 12 скока. Стефон Касл имаше 18 поени и 11 асистенции за Спарс, додека Виктор Вембањама – кој доаѓа од клупата петти натпревар по ред – додаде 14 поени и 12 скока. Баб Карингтон ги предводеше Визардс со 21 поен, додека стартерот Тре Џонсон го израмни својот личен рекорд со 19 поени.
Минесота Тимбервулвс со 103:100 ги победија на домашен терен Милвоки Бакс, кои испуштија предност од 16 поени. Ентони Едвардс постигна 24 поени, Донте ДиВинченцо додаде 18 поени за Минесота, која победи по четврти пат во последните пет натпревари. Кевин Портер Џуниор заврши со 24 поени, 10 скока и девет асистенции за Бакс, Рајан Ролинс додаде 16 поени, а Боби Портис (16 поени, 11 скока) и Кајл Кузма (12 поени, 10 скока) завршија со „дабл-дабл“ учиноци.
Слични новости
Лука Зидан: Татко ми и дедо ми ме поддржуваа да играм за Алжир
Лука Зидан, син на шампионот со француската селекција на Светското првенство и поранешен играч на годината во светот, Зинедин, изјави дека неговите татко и дедо го поддржале во промената на националноста во Алжир, откако играше за Франција како јуниор
Германските клубови казнети со 12 милиони евра
Германската фудбалска асоцијација (DFB) им изрече казна на германските клубови во трите професионални лиги со вкупно 12 милиони евра за сезоната 2024/25, велејќи дека казните се главно поради употребата на пиротехнички средства од страна на навивачите
Уапсен претседателот на Фенербахче
Претседателот на турскиот фудбалски великан Фенербахче, Садетин Саран, е приведен во Истанбул како дел од проширената истрага за дрога во која се вклучени истакнати личности од светот на забавата и медиумите