Американската морнарица тврди дека ја пробива блокадата во Ормутскиот теснец. Американската војска соопшти дека уништила шест ирански мали борбени бродови и пресретнала крстосувачки ракети и дронови, кои биле испукани од чуварите на исламската револуција.
Според наводите на американската централна команда, ракетите и беспилотните летала биле насочени кон бродовите што ги штитела американската морнарица за време на обидот да се обнови пловидбата низ Ормутскиот теснец.
Адмирал Бред Купер, командантот на централната команда на САД изјави дека американските сили ја победија секоја заканаи дека командантите на терен добиле овластувања да ги бранат американските единици и комерцијалната пловидба.
Тој наведе дека во операцијата учествуваат 15.000 војници, разурнувачи на американската морнарица, повеќе од 100 авиони и подводни средства.
Иранската страна ги негира тврдењата на Вашингтон. Револуционерната гарда соопшти дека комерцијални бродови не го минале Ормутскиот теснец во последните часови и дека американските тврдења не се точни. Иранските државни медиуми, исто така негираа дека се потопени ирански бродови.
Иранскиот министер за надворешни работи Абас Арагчи порача дека настаните во Ормутскиот теснец покажуваат дека политичката криза не може да се реши со воена акција. Тој наведе дека преговорите, со посредување на пакистан, добро напредуваат и ги предупреди Вашингтон и Абу Даби да не дозволат повторно да бидат вовлечени во отворена војна.
Слични новости
Масовни протести во Америка по убиството на Прети
Американскиот претседател Доналд Трамп оцени дека гувернерот на Минесота Тим Волц и градоначалникот на Минеаполис Џејкоб Фреј „поттикнуваат бунт со својата опасна и арогантна реторика“.
Во Америка се шират протести по убиството на Алекс Прети
Пукањето во Минеаполис во кое агент на граничната полкиција го уби Алекс Прети предизвика бран протести ширум Америка од Њујорк до Лос Анџелес.
Разгворите во Абу Даби приближување до состанок меѓу Путин и Зеленски
Трилатерните разговори во Абу Даби отворија пат за состанок меѓу претседателите на Русија и на Украина Владимир Путин и Володимир Зеленски во многу блиска иднина, пренесува американскиот портал Аксиос, повикувајќи се на изјава на висок американски преговарач.