Американската морнарица тврди дека ја пробива блокадата во Ормутскиот теснец. Американската војска соопшти дека уништила шест ирански мали борбени бродови и пресретнала крстосувачки ракети и дронови, кои биле испукани од чуварите на исламската револуција.
Според наводите на американската централна команда, ракетите и беспилотните летала биле насочени кон бродовите што ги штитела американската морнарица за време на обидот да се обнови пловидбата низ Ормутскиот теснец.
Адмирал Бред Купер, командантот на централната команда на САД изјави дека американските сили ја победија секоја заканаи дека командантите на терен добиле овластувања да ги бранат американските единици и комерцијалната пловидба.
Тој наведе дека во операцијата учествуваат 15.000 војници, разурнувачи на американската морнарица, повеќе од 100 авиони и подводни средства.
Иранската страна ги негира тврдењата на Вашингтон. Револуционерната гарда соопшти дека комерцијални бродови не го минале Ормутскиот теснец во последните часови и дека американските тврдења не се точни. Иранските државни медиуми, исто така негираа дека се потопени ирански бродови.
Иранскиот министер за надворешни работи Абас Арагчи порача дека настаните во Ормутскиот теснец покажуваат дека политичката криза не може да се реши со воена акција. Тој наведе дека преговорите, со посредување на пакистан, добро напредуваат и ги предупреди Вашингтон и Абу Даби да не дозволат повторно да бидат вовлечени во отворена војна.
Слични новости
Трамп: Иран сака да постигне договор со САД за нуклеарна програма
Американскиот претседател Доналд Трамп изјави дека верува оти Иран сака да постигне договор со САД околу својата нуклеарна програма.
Десет мртви и 27 повредени во оружен напад во средно училиште во Канада
Во вооружен напад во средното училиште во градот Тамблер Риџ, во Британска Колумбија, во Канада, убиени се десет лица, вклучувајќи го и напаѓачот, објавија властите.
Орбан: Планот на ЕУ за забрзан прием на Украина е отворена објава на војна на Унгарија
Новиот план е отворена објава на војна на Унгарија. Тие се потсмеваат на одлуката на унгарскиот народ и сакаат да ја отстранат унгарската влада од патот по секоја цена.