Американската морнарица тврди дека ја пробива блокадата во Ормутскиот теснец. Американската војска соопшти дека уништила шест ирански мали борбени бродови и пресретнала крстосувачки ракети и дронови, кои биле испукани од чуварите на исламската револуција.
Според наводите на американската централна команда, ракетите и беспилотните летала биле насочени кон бродовите што ги штитела американската морнарица за време на обидот да се обнови пловидбата низ Ормутскиот теснец.
Адмирал Бред Купер, командантот на централната команда на САД изјави дека американските сили ја победија секоја заканаи дека командантите на терен добиле овластувања да ги бранат американските единици и комерцијалната пловидба.
Тој наведе дека во операцијата учествуваат 15.000 војници, разурнувачи на американската морнарица, повеќе од 100 авиони и подводни средства.
Иранската страна ги негира тврдењата на Вашингтон. Револуционерната гарда соопшти дека комерцијални бродови не го минале Ормутскиот теснец во последните часови и дека американските тврдења не се точни. Иранските државни медиуми, исто така негираа дека се потопени ирански бродови.
Иранскиот министер за надворешни работи Абас Арагчи порача дека настаните во Ормутскиот теснец покажуваат дека политичката криза не може да се реши со воена акција. Тој наведе дека преговорите, со посредување на пакистан, добро напредуваат и ги предупреди Вашингтон и Абу Даби да не дозволат повторно да бидат вовлечени во отворена војна.
Слични новости
Најсилен напад на Украина врз Русија од почетокот на војната
Украина го изведе најсилниот напад врз Русија од почетокот на војната, а погодени биле неколку руски области, при што главна цел на нападите биле енергетските постројки.
Анкетите во Бугарија покажуваат дека Радев е фаворит на претстојните избори
Доколку изборите се одржат сега, коалицијата на Румен Радев би добила 25,6 отсто од гласовите на оние кои се изјасниле дека ќе гласаат. На второ место е ГЕРБ со 15,4 проценти
Швајцарија: Воз со 80 патници излета од шините по лавина
Воз излета од шините во областа Гопенштајн во швајцарскиот кантон Вале откако лавина ја погоди пругата. Полицијата потврди дека е во тек операција на местото на настанот и дека неколку лица се повредени.