Американската морнарица тврди дека ја пробива блокадата во Ормутскиот теснец. Американската војска соопшти дека уништила шест ирански мали борбени бродови и пресретнала крстосувачки ракети и дронови, кои биле испукани од чуварите на исламската револуција.
Според наводите на американската централна команда, ракетите и беспилотните летала биле насочени кон бродовите што ги штитела американската морнарица за време на обидот да се обнови пловидбата низ Ормутскиот теснец.
Адмирал Бред Купер, командантот на централната команда на САД изјави дека американските сили ја победија секоја заканаи дека командантите на терен добиле овластувања да ги бранат американските единици и комерцијалната пловидба.
Тој наведе дека во операцијата учествуваат 15.000 војници, разурнувачи на американската морнарица, повеќе од 100 авиони и подводни средства.
Иранската страна ги негира тврдењата на Вашингтон. Револуционерната гарда соопшти дека комерцијални бродови не го минале Ормутскиот теснец во последните часови и дека американските тврдења не се точни. Иранските државни медиуми, исто така негираа дека се потопени ирански бродови.
Иранскиот министер за надворешни работи Абас Арагчи порача дека настаните во Ормутскиот теснец покажуваат дека политичката криза не може да се реши со воена акција. Тој наведе дека преговорите, со посредување на пакистан, добро напредуваат и ги предупреди Вашингтон и Абу Даби да не дозволат повторно да бидат вовлечени во отворена војна.
Слични новости
Аксиос: Трамп ги разгледува опциите за Иран, вклучително и воена акција
Администрацијата на САД ги разгледува сите опции за Иран, а дипломатското решение кое би било прифатливо за Вашингтон е на Иран да му се дозволи „симболично“ збогатување на ураниум, под услов да нема можност за развој на нуклеарна бомба.
Британската Монархија во огромна криза по апсењето на поранешниот Принц Ендру
Британското кралско семејство се соочува со најтешката институционална криза во последните 90 години, откако беше уапсен Ендру Маунтбатен-Виндзор под сомнение за злоупотреба на јавна функција и поради неговата поврзаност со Џефри Епстин кој беше осуден сексуален претсапник.
Трамп: Не планираме да враќаме пари на компаниите поради царините
Американскиот претседател Доналд Трамп изјави дека САД не планираат да враќаат пари на компаниите поради царините што беа воведени за низа странски држави, а кои Врховниот суд ги поништи во петокот.