Соединетите држави се подготвуваат да ја евакуираат својата амбасада во Ирак поради зголемени безбедносни ризици во регионот, соопштија во средата три американски и два ирачки извора, додека еден американски функционер рекол дека е можно воени семејства, исто така, да го напуштат Бахреин.
Изворите на Reuters не кажаке кои безбедносни ризици ја поттикнале одлуката за евакуација, а Стејт департментот не одговорил веднаш на барањето за коментар.
Американскиот претседател Доналд Трамп постојано се заканува дека ќе го нападне Иран ако разговорите за неговата нуклеарна програма не успеат, а во средата рече дека сега е помалку уверен дека Техеран ќе се согласи да престане со збогатувањето на ураниум, клучното барање на САД.
Иранскиот министер за одбрана, Азиз Насирзадех, рече дека Иран ќе ги цели американските бази ако нуклеарните разговори не успеат, што потенцијално ќе доведе до војна.
„Стејт департментот планира организирано повлекување на амбасадата на САД во Багдад. Намерата е тоа да се направи комерцијално, но американската војска е подготвена да помогне доколку е потребно“, рекол неименуван американски функционер.
Службеник на ирачкото Министерство за надворешни работи изјавил дека е потврдена „делумна евакуација“ на персоналот на амбасадата на САД поради „потенцијални безбедносни закани поврзани со можни регионални тензии“.
Ирачката државна новинска агенција цитираше извор од ирачката влада кој изјави дека Багдад не регистрирал никакви безбедносни индиции што би барале евакуација.
Семејствата на американските војници во Бахреин привремено ќе се повлечат поради зголемените регионални тензии, изјавил американски функционер за Reuters.
Друг американски функционер изјавил дека нема промена во операциите во воздухопловната база „Ал Удеид“ во Катар, најголемата воена база на Блискиот исток, и дека не е издадена наредба за евакуација на вработените или семејствата поврзани со амбасадата на САД во Катар, која работи како и обично.
Амбасадата на САД во Кувајт соопшти дека останува целосно оперативна.
Слични новости
Денеска нов ракетен напад на Иран врз Израел, Техеран најавува и напади врз американските воени бази на Блискиот исток
Според дописниците на светските агенции, експлозии се слушнале и во Тел Авив. Израелските медиуми јавуваат дека ракета паднала во градот, а претходно беше пријавена силна експлозија во Ерусалим.
Кац: Иран ги премина црвените линии со напади врз цивилни центри во Израел
Ќе продолжиме да ги браниме граѓаните на Израел и ќе обезбедиме режимот на Ајатолахот да плати многу висока цена за своите гнасни постапки, ја пренесуваат израелските медиуми изјавата на министерот Кац
Во иранските напади убиени тројца, а ранети 80 Израелци, Техеран и Ерусалим најавуваат продолжување на војната
Официјален Ерусалим соопшти дека во синоќешните два брана напади од Иран врз Израел со околу 150 балистички ракети биле убиени тројца луѓе, а 80 се ранети. Неколкумина од ранетите се во тешка состојба, соопштија израелските власти