Кремљ го поздрави потегот на администрацијата на американскиот претседател Доналд Трамп да ја ревидира својата стратегија за национална безбедност и да престане да ја нарекува Русија „директна закана“, изјави во неделата портпаролот Дмитриј Песков во коментарите објавени од државната новинска агенција ТАСС.
Стратегиите на САД по руската анексија на Крим во 2014 година и инвазијата на Украина во 2022 година ја идентификуваа Москва како главна закана. Сепак, ажурираниот документ, објавен во петок, усвојува помек тон и охрабрува соработка, иако ограничена, со Русија.
Песков изјави за новинска агенција дека ажурираната стратегија ги отфрли формулациите што ја опишуваа Русија како директна закана и наместо тоа повика на соработка со Москва по прашања од стратешката стабилност.
„Ова го сметаме за позитивен чекор“, рече портпролот на рускиот претседател, додавајќи дека Москва ќе го испита документот пред да извлече пошироки заклучоци. „Секако мора подетално да го разгледаме и анализираме“, ги пренесува агенцијата зборовите на Песков.
Новата стратегија од 29 страници ја изложи визијата на Трамп за надворешната политика како визија за „флексибилен реализам“ и наведе дека американската политика ќе биде водена пред сè од „она што функционира за Америка“, се вели во документот.
Вашингтон на тој начин ќе се стреми кон брзо решавање на конфликтот во Украина и ќе се стреми кон повторно воспоставување „стратешка стабилност“ со Москва, а во исто време ќе тврди дека руските дејствија во Украина остануваат централна безбедносна грижа, се наведува во документот.
Стратегијата беше објавена во услови на застој во мировната иницијатива на САД, во која Вашингтон презентираше предлог што ги поддржува главните барања на Русија во речиси четиригодишната војна.
Трамп често го фали и му се восхитува на рускиот претседател Владимир Путин, што ги наведе критичарите да го обвинат дека е мек кон Москва, дури и кога владата ги одржува санкциите против него поради дејствијата на Русија во Украина.
Европските сојузници, кои се потпираат на воената поддршка на САД за да ја одвратат Русија, внимателно го следеа пресвртот и изразија загриженост дека помекиот американски дискурсби можел да ги ослабне напорите за соочување со Москва додека војната во Украина продолжува.
Слични новости
Мировниот договор за Украина е многу блиску, вели американскиот претставник Келог
Претставникот на американскиот претседател Доналд Трамп за Украина изјави дека договорот за завршување на војната во Украина е „многу блиску“ и дека сега зависи од решавањето на две главни отворени прашања – иднината на украинскиот регион Донбас и нуклеарната централа Запорожје
Кинески авиони насочиле воен радар кон јапонски авиони
Јапонија во неделата соопшти дека кинеските борбени авиони насочиле радар за контрола на оган кон јапонски воени авиони во два „опасни“ инциденти во близина на островската група Окинава во Јапонија, тврдење што Пекинг го негираше
Најмалку 23 мртви во пожар во ноќен клуб во Гоа
Најмалку 23 лица, меѓу кои и неколку странски туристи, загинаа во пожар во популарниот ноќен клуб Арпори во индиската држава Гоа