Војската на САД развива планови за повлекување на сите американски војници од Сирија, објави во средата американската телевизиската мрежа NBC News, повикувајќи се на неименувани извори од Пентагон.
Според сознанијата на NBC објави дека Министерството за одбрана разгледува сценарија за повлекување на војниците од земјата во рок од 30, 60 или 90 дена.
Во моментов, САД како што признаа пред крајот на минатата година имаат до 2.000 војници распоредени во Сирија со наведена цел да го спречат повторното обновување на терористичката група Исламска држава. Претходно Вашингтон тврдеше дека во Сирија има до 1.000 свои војници. Тие ги обучуваат и вооружуваа курдските сили кои контролираат области во североисточниот дел на земјата.
За време на неговиот прв мандат, претседателот Доналд Трамп имаше планови да го прекине американското присуство во Сирија, на што се спротивстави тогашниот секретар за одбрана Џејмс Матис. Матис поднесе оставка во знак на протест кон крајот на 2018 година.
Бунтовничкиот сојуз предводен од исламистите, поранешни сунитски џихадисти блиски на Исламската држава и Ал Каеда, со помош на турските сили кои извршија инвазија во соседната земја, го собори долгогодишниот сириски секуларен претседател Башар ал-Асад од власт во декември, ставајќи крај на годините на крвава граѓанска војна што избувна по протестите поддржани од околните сунитски монархии во 2011 година.
Сега во Дамаск на власт е привремена влада. Сепак, борбите продолжуваат во некои делови од земјата, на пример на североисток меѓу курдските милиции кои им нанесуваат загуби на напаѓачките сили блиски до Турција.
Слични новости
Трамп најави разговор со Путин во вторник
Американскиот претседател Доналд Трамп најави дека во вторник ќе разговара со рускиот претседател Владимир Путин за можниот крај на тригодишната војна во Украина, по позитивниот исход од разговорите меѓу американските и руските претставници во Москва
Трамп и Путин ќе разговараат за Украина во наредните денови, според американскиот претставник Виткоф
Американскиот претседател Доналд Трамп и неговиот руски колега по должност Владимир Путин се очекува да разговараат во наредните денови, објави во неделата американскиот специјален пратеник за Украина и Русија, Стив Виткоф, додека САД вршат притисок врз Русија да се согласи на прекин на огнот со Украина
САД депортираа стотици осомничени припадници на венецуелска банда
Соединетите држави депортираа стотици наводни членови на венецуелската банда Трен де Арагуа користејќи го Законот за странски непријатели од 1798 година, кој сега е блокиран, изјави мериканскиот државен секретар Марко Рубио