САД ја одобрија продажбата на 500 ракети-пресретнувачи „Патриот“ (PAC-3) за Украина, во вредност од 2,1 милијарди долари, во момент кога земјата се соочува со засилени руски воздушни напади. Сепак, украинскиот претседател Володимир Зеленски предупреди дека за испораката на ракетите би можеле да бидат потребни и неколку години.
Американскиот Стејт департмент соопшти дека набавката целосно ќе биде финансирана од европските сојузници на Украина и Канада, без користење американски средства.
Плаќањето ќе се реализира преку донации од Канада, Германија и Норвешка, програмата JUMPSTART, како и национални средства финансирани преку заемот на Европската Унија за поддршка на Украина.
Главен изведувач на договорот ќе биде американската компанија „Локхид Мартин“. Од Стејт департментот оценуваат дека продажбата ќе придонесе за остварување на американските надворешнополитички и безбедносни цели, преку зајакнување на одбраната на Украина и стабилноста во Европа.
Зеленски ја поздрави одлуката на Вашингтон, но порача дека на Украина ѝ се потребни ракетите веднаш, а не по неколку години. Тој повторно побара од САД да ја забрзаат испораката на противвоздушните системи, кои се меѓу ретките ефикасни средства за пресретнување на руските балистички ракети.
Слични новости
Се бара итно распишување на вонредни избори во Белград – Шапиќ повеќе нема легитимитет
Организацијата „Белград во движење“бара итно распишување на вонредни избори во Белград, наведувајќи дека актуелниот градоначалник, Александар Шапиќ, повеќе нема легитимитет.
Јотова-Валчев и Ѓуров-Кандев во вториот круг на претседателските избори во Бугарија
Фаворитката за претседател на Бугарија Илијана Јотова и кандидат за потпретседател Кирил Валчев освоија 34,69 насто од гласовите на вчерашниот прв круг од претседателските избори во Бугарија, соопшти утрово државната изборна комисија на Бугарија по преброени 99 насто од гласовите.
Триумф на студентската листа во Србија, славје до раните утрински часови, откорнат „Чациленд“
По две години масовни студентски и граѓански протести во Србија вчера беа одржани парламентарни избори на кои убедливо победи „Студентската листа-Студентите победуваат“. Александар Вучиќ го призна поразот, а ширум земјата граѓаните излегоа на улиците да ја прославуваат победата на Студентската листа.