Соединетите држави и Украина изработиле „дополет и доработен мировен план“ за завршување на војната против Русија, според заедничкото соопштение на двете земји објавено по разговорите во Женева, на кои учествувале и европски претставници.
Се чини дека двете страни го изготвиле планот врз основа на претходниот план изготвен од американската влада, кој Киев и неговите сојузници го сметале за премногу поволен за Москва, според Reuters.
Во заедничкото соопштение објавено по разговорите на американските и украинските делегации во Женева, двете страни изјавија дека одржале „исклучително продуктивни“ разговори, додавајќи дека ќе ги продолжат во наредните денови. Тие не открија детали за голем број спорни точки што мора да се решат, вклучително и прашањето за безбедносните гаранции за Киев.
Белата куќа во посебно соопштение соопшти дека новата верзија на мировниот план вклучува посилни безбедносни гаранции и дека украинската делегација изјавила дека новиот план „ги одразува нивните национални интереси“. Украинските претставници не издадоа посебно соопштение и не беа веднаш достапни за коментар, објави Reyters.
Американскиот државен секретар Марко Рубио, кој ги води разговорите, во неделата изјави дека е „многу оптимистичен“ во врска со можноста за постигнување договор за Украина „многу наскоро“.
Страните вклучени во разговорите постигнаа значителен напредок, рече Рубио, истакнувајќи дека претседателите исто така ќе мора да се согласат за конечен договор и дека сè уште има неколку прашања на кои треба да продолжат да работат.
Делегациите ќе продолжат да работат на мировниот план во понеделник, изјави американскиот државен секретар во неделата, истакнувајќи дека дискусиите траат веќе три седмица, но значително се забрзале во последните четири дена.
Според два добро информирани извори, американските и украинските претставници наводно разговараат за можна посета на украинскиот претседател Зеленски на Вашингтон оваа седмица за да разговараат за мировниот план со претседателот Трамп, но сè уште нема потврден датум.
Слични новости
САД: Укината препораката за вакцинирање на повеќето деца против хепатитис Б
Советниците за вакцини во САД во петокот ја укинаа долгогодишната препорака сите деца во САД да ја примат вакцината против хепатитис Б при раѓање, што претставува голема победа за министерот за здравство и човечки услуги Роберт Ф. Кенеди Џуниор, но експертите за болести стравуваат дека тоа ќе ги поткопа децениите напредок во јавното здравство
Канада ја тргна Сирија од листата земји спонзори на тероризмот
Канада ја отстрани Сирија од својата листа на држави „спонзори на тероризмот“ и ја отстрани исламистичката групација Хајат Тахир ал-Шам, лидерот на бунтовничкиот сојуз што го собори претседателот Башар ал-Асад, од својата листа на терористички организации, објави канадската влада
ЕК ги отфрла критиките кон ЕУ во стратегијата на САД
Европската комисија на Урсула фон дер Лајен во петокот ги отфрли критиките на сметка на Европската унија во новиот американски документ во кој се опишува стратегијата за националната безбедност, а истовремено започнаа првите реакции меѓу европските политичари