САД утринава спроведоа нова рунда воздушни удари врз Иран, откако беше потврдено загинувањето на уште еден американски војник. Иран возврати со со напади врз Бахреин каде што се наоѓа петтата флота на американската воена морнарица и врз Кувајт.
Најновите напади покажуваат дека САД и Иран се приближуваат кон општа војна по распадот на минатомесечниот привремен договор кој требаше крајно да ги оконча судирите. Истовремено, речиси е целосно запрен поморскиот сообраќај низ Ормутскиот теснец.
Обете страни денеска гаѓаа цивилна инфраструктура од која зависат милиони луѓе, а цената на референтната нафта Брент денеска порасна на над 90 долари за барел, поттикнувајќи ја глобалната енергетска криза предизвикана од конфликтот во Перисискиот залив.
Иранската Револуцинерна гарда тврди дека извршила напади врз танкери во Ормутскиот теснец, а еден танкер се запалил на рутата која ја препорача американската војска за да се избегне иранската контрола.
Трамп сезакани дека Американците ќе ги гаѓаат иранските електрани и мостови за да се натера Иран да попушти за комерцијалниот сообраќај низ Ормутскиот теснец и најновите напади навестуваат дека американската војска го спроведува овој план.
Во текот на минатата недела САД повторно воведоа и поморска блокада на иранските пристаништа за да ја запрат иранската испорака на нафта.
Слични новости
Техеран: Уништени над 200 непријателски дронови и авиони
Иранските системи за противвоздушна одбрана соборија повеќе од 200 непријателски летала за време на воениот конфликт со САД и Израел, вклучувајќи дронови и авиони со посади, изјави заменик командантот на Корпусот на Исламската револуционерна гарда Мостафа Изади.
Трамп: Ми се допаѓа идејата Ормутскиот теснец да се прогласи како територија на САД
Американскиот претседател Доналд Трамп изјави дека му се допаѓа идејата Ормутскиот теснец кој се наоѓа меѓу Персискиот и Оманскиот залив да се прогласи како територија на САД, навдувајќи дека Америка веќе го контролира.
Нови стравувања од ескалација: Истекува спогодбата меѓу САД и Иран, преговорите неизвесни
Меморандумот за разбирање што го потпишаа САД и Иран насочен кон окончување на војната траеше 60 дена и денеска истекува. Двете страни со недели заемно се обвинуваат за кршење на договорот и има слаби сигнали дека која и да е од страните е подготвена да го продолжи договорот.