САД утринава спроведоа нова рунда воздушни удари врз Иран, откако беше потврдено загинувањето на уште еден американски војник. Иран возврати со со напади врз Бахреин каде што се наоѓа петтата флота на американската воена морнарица и врз Кувајт.
Најновите напади покажуваат дека САД и Иран се приближуваат кон општа војна по распадот на минатомесечниот привремен договор кој требаше крајно да ги оконча судирите. Истовремено, речиси е целосно запрен поморскиот сообраќај низ Ормутскиот теснец.
Обете страни денеска гаѓаа цивилна инфраструктура од која зависат милиони луѓе, а цената на референтната нафта Брент денеска порасна на над 90 долари за барел, поттикнувајќи ја глобалната енергетска криза предизвикана од конфликтот во Перисискиот залив.
Иранската Револуцинерна гарда тврди дека извршила напади врз танкери во Ормутскиот теснец, а еден танкер се запалил на рутата која ја препорача американската војска за да се избегне иранската контрола.
Трамп сезакани дека Американците ќе ги гаѓаат иранските електрани и мостови за да се натера Иран да попушти за комерцијалниот сообраќај низ Ормутскиот теснец и најновите напади навестуваат дека американската војска го спроведува овој план.
Во текот на минатата недела САД повторно воведоа и поморска блокада на иранските пристаништа за да ја запрат иранската испорака на нафта.
Слични новости
Нафтата Брент доближува 100 долари за барел
Брент нафтата на денешните берзи се трува за 98 долари за барел и се прибличува до границата од 100 долари, која беше надмината во март годинава на почетокот на конфликтот меѓу САД и Иран. Нападите на Хутите врз танкери во Црвеното море, заедно со намалените изгледи за мир со Иран ги туркаат цените на нафтата нагоре.
Виктор Орбан ја обвини новата унгарска влада за „тиранија“
Поранешниот унгарски премиер Виктор Орбан денеска изјави дека унгарските обвинители ги заплениле серверите на неговата партија „Фидес“ и ја обвини владата на премиерот Петер Маѓар дека воспоставува „нелегитимен“ политички систем, повикувајќи ги своите приврзаници да се спротивстават на „тиранијата“.
Пакистан се обидува да ги седне Американците и Иранците на преговарачка маса
Пакистан одигра клучна улога во посредувањето при минатомесечниот привремен договор меѓу САД и Иран и сега настојува да ги убеди Вашингтон и Техеран да се вратат на преговарачката маса и да ги решат отворените прашања во согласност со јунскиот меморандум за разбирање.