Администрацијата на американскиот претседател Доналд Трамп ги укина санкциите врз Милорад Додик, поранешниот претседател на Република Српска, а имињата на неговиот најблизок соработник Жеља Цвијановиќ, член на Претседателството на БиХ, и голем број други лица и компании беа отстранети од списокот на санкционирани лица.
Одлуката за укинување на санкциите беше објавена на веб-страницата на Министерството за финансии на САД во среда, односно на неговата Канцеларија за контрола на странски средства (OFAC).
Таму, покрај Додик и Цвијановиќ, беа наведени имињата на уште 28 лица чии санкции беа укинати, а ова се однесува на синот на Додик, Игор, и ќерката Горица, претседателот на Парламентот на Република Српска, Ненад Стевандиќ, и голем број сегашни и поранешни функционери во ентитетите и властите на БиХ, вклучувајќи го и Синиша Каран, кој е кандидат на партијата на Додик на предвремените избори за претседател на ентиетот закажани за 23 ноември.
Од списокот санкционирани беа отстранети и голем број компании поврзани со семејството Додик, кои претходно беа казнети поради сомневање дека нивните средства се користат за финансирање на владата на Додик и неговите наводно незаконски дејствија.
„Ова е доказ дека стануваме фактор со кој сериозно можеме да сметаме и да разговараме“, рече претседателот на парламентот на ентитетот, Стевандиќ, во првата реакција.
Причините за укинување на санкциите не се наведени, а оваа мерка следеше по прифаќањето од страна на Додик да се повлече од функцијата претседател на Република Српска и повлекувањето на законот донесен од парламентот на ентитетот во декември 2024 година, кои во Сараево се толкуваа како обид да се спречи работењето на државните судски и полициски органи.
САД првпат воведоа санкции против Додик во 2017 година за време на администрацијата на Барак Обама, а тие подоцна беа зајакнати бидејќи тој беше обвенет за наводно поткопување на Дејтонскиот договор, а беше етикетиран и како лице вмешано во корупција.
Иако САД ги укинаа санкциите против него, сè уште му е забранет влез во Словенија, Австрија, Германија, Полска, Литванија и Естонија.
Слични новости
Макрон по примерот на Трамп ѝ се закани со царини на Кина
Францускиот претседател Емануел Макрон изјави дека му се заканил на Пекинг со царини за време на посетата на Кина доколку не преземе мерки насочени кон намалување на растечкиот трговски суфицит со Европската унија
Мировниот договор за Украина е многу блиску, вели американскиот претставник Келог
Претставникот на американскиот претседател Доналд Трамп за Украина изјави дека договорот за завршување на војната во Украина е „многу блиску“ и дека сега зависи од решавањето на две главни отворени прашања – иднината на украинскиот регион Донбас и нуклеарната централа Запорожје
Кинески авиони насочиле воен радар кон јапонски авиони
Јапонија во неделата соопшти дека кинеските борбени авиони насочиле радар за контрола на оган кон јапонски воени авиони во два „опасни“ инциденти во близина на островската група Окинава во Јапонија, тврдење што Пекинг го негираше