Се очекува американскиот министер за транспорт Шон Дафи да нареди намалување од 10 отсто на воздушниот сообраќај на 40-те најголеми аеродроми во Соединетите држави почнувајќи од петок, доколку не биде прекината блокадата на владата, соопштија извори запознаени со ова прашање.
Речиси 13.000 контролори на летање и 50.000 службеници на Администрацијата за безбедност на транспортот (TSA) се принудени да работат без плата поради затворањето на владата, а десетици илјади летови се одложени, пишува Reuters.
Министерот Дафи предупреди во вторникот дека доколку затворањето на владата продолжи уште една седмица, тоа би можело да предизвика голем хаос и тој би можел да биде принуден да затвори дел од воздушниот простор.
Авиокомпаниите бараат крај на блокадата на владата, предупредувајќи на ризици за безбедноста на воздухот.
Слични новости
За Трамп има „добри шанси“ за договор за мир во Украина
Американскиот претседатело Доналд Трамп во неделата изјави дека е оптимист по разговорите меѓу украинските претставници и неговата администрација за начините за завршување на војната во Украина, велејќи дека има „добри шанси“ за договор
Папата им донесе порака за мир на Либанците и ги повика да останат во нивната земја
Папата Лав XIV во неделата ги повика Либанците да „останат“ во нивната земја, каде што економскиот колапс ја засили масовната емиграција, и повика на „помирување“ за да се надминат длабоките политички и секташки поделби во Либан
Американските функционери очекуваат поголем напредок во разговорите меѓу САД и Украина
Државниот секретар на САД, Марко Рубио, во неделата изјави дека очекува разговорите со украинските претставници да доведат до „поголем напредок“ кон договор за прекин на војната во Украина