Руските сили направија дополнителен напредок во регионот Курск во понеделникот како дел од големата операција чија цел е да принудат илјадници украински војници да го напуштат западниот руски регион или да се предадат, објавија проруските воени блогери на кои се повикува Reuters.
Украинските трупи зазедоа околу 1.300 квадратни километри од руската област Курск ланскиот август во обид да добијат подобра позиција во евентуалните идните преговори и размена на територии кои во Украина ги заземаа руските сили, како и поради неуспешниот обдид да ја принудат Москва да ги повлече своите сили од источна Украина, како што го опишува Киев.
До средината на февруари, Русија врати најмалку 800 квадратни километри територија во Курск и во последните денови започна голема повеќенасочна офанзива што се заканува да ги прекине линиите за снабдување на Украина и потенцијалните патишта за повлекување.
Воениот блогер Two Majors објави дека руските сили ја расчистиле населбата Ивашковски и дека руските трупи напредуваат кон таканаречениот „котел“ во Курск од најмалку седум правци.
Јуриј Подољака, проруски воен блогер роден во Украина, рече дека има проблеми да ги следи настаните бидејќи рускиот напредок бил толку брз и украинските единици сега биле заробени во неколку џебови во Курск.
„Во текот на изминатите четири дена, руските војници исчистија толкава територија во регионот Курск колку што некогаш не можеа ниту за неколку месеци“, проценува рускиот блогер Рибар, близок до Министерството за одбрана.
„Првата линија е пробиена“, тврди Рибар, додавајќи дека Русите се концентрирани на пресекување на главните патишта кои водат од Курск до Украина. Руските сили во неделата повторно зазедоа уште три населби во Курск.
Руското континуирано напредување започнато пролетта 2024 година и промената на политиката на американскиот претседател Доналд Трамп кон Украина и Русија ги поттикнаа стравувањата кај европските челници дека Украина ќе ја изгуби војната и дека Трамп и го врти грбот на Европа.
Соединетите држави ја прекинаа воената помош и на кусо ја запреа размената на разузнавачки информации со Украина овој месец која во неделата беше обновена, откако средбата меѓу Трамп и украинскиот претседател Володимир Зеленски на 28 февруари заврши со кавга пред светските медиуми.
Зеленски во неделата рече дека добил извештај од неговиот врховен командант, Александар Сирски, инаку етнички Русин, за операцијата Курск. Но не откри повеќе детали.
Слични новости
САД укинуваат 83 отсто од проектите за меѓународна помош финансирани од УСАИД
Американскиот државен секретар Марко Рубио детално го опиша големото скратување на проектите управувани од меѓународната агенција за развој УСАИД
Сирија: SDF предводени од Курдите ќе се интегрираат во државните институции
Сириските демократски сили (SDF) предводени од Курдите, поддржани од САД, кои контролираат голем дел од североисточниот дел на Сирија, богат со нафта, потпишаа договор со кој се согласуваат да се интегрираат во новите државни институции предвоени од шеријатските власти, соопшти во понеделникот сириското претседателство
Зеленски пристигна во Саудиска Арабија пред средбата со Американците
Украинскиот претседател Володимир Зеленски во понеделникот слета во Саудиска Арабија на средба со престолонаследникот Мохамед бин Салман, ден пред разговорите меѓу украинските и американските претставници дека Вашингтон ги полага своите надежи за ставање крај на војната со Русија