Русија воспостави директни контакти со политичкиот комитет на сириската исламистичка бунтовничка група Хајат Тахрир ал-Шам (HTS), го цитира приватната новинска агенција Интерфакс рускиот заменик министер за надворешни работи Михаил Богданов во четврток.
Интерфакс известува дека Богданов, исто така, им рекол на новинарите дека Москва има намера да ги задржи своите воени бази во Сирија за да ја продолжи „борбата против меѓународниот тероризам“.
Богданов рекол дека контактите со HTS, поранешното сириско крило на Ал Каеда сега најмоќната сила во земјата по соборувањето на претседателот Башар ал-Асад, „напредуваат на конструктивен начин“.
Русија, рекол дипломатот, се надева дека групата ќе ги исполни своите ветувања „да се чува од сите ексцеси“, да го одржува редот и да ја гарантира безбедноста на дипломатите и другите странци.
Нагласил и дека Русија се надева дека ќе ги задржи своите две бази во Сирија – поморската база во Тартус за сервисирање на руските пловила на Медитеранот, и воздухопловната база Хмејмим во близина на пристанишниот град Латакија – за да продолжи со напорите против меѓународниот тероризам.
„Базите сѐ уште се таму каде што беа, на сириска територија. Во моментов не се донесени други одлуки“, рекол Богданов.
Нагласил дека базите се поставени таму „по барање на Сиријците со цел да се борат против терористите на Исламската држава“ и рече дека се надева оти тие ќе останат „врз основа на идејата дека сите се согласуваат дека борбата против тероризмот и она што е остана од Исламската држава не е завршена“.
Продолжувањето на таа борба, рекол Богданов, „изискува колективни напори и во тој поглед, нашето присуство и базата Хмејмим одиграа важна улога во контекст на севкупната борба против меѓународниот тероризам“.
Слични новости
Зеленски пристигна во Саудиска Арабија пред средбата со Американците
Украинскиот претседател Володимир Зеленски во понеделникот слета во Саудиска Арабија на средба со престолонаследникот Мохамед бин Салман, ден пред разговорите меѓу украинските и американските претставници дека Вашингтон ги полага своите надежи за ставање крај на војната со Русија
Руте: НАТО нема да дозволи да биде загрозен мирот во БиХ
Генералниот секретар на НАТО, Марк Руте повика во понеделникот во Сараево кризата во Босна и Херцеговина да се смири со одговорно однесување на нејзините политичари, што не ги спречи членовите на Претседателството на БиХ да се расправаат пред него
Кремљ гледа политичка волја за обновување на односите со САД
Русија смета дека обновувањето на односите со САД е долгорочна и тешка задача, но верува дека постои политичка волја кај двете страни да се постигне напредок, соопшти во понеделникот Кремљ