Поранешниот бугарски претседател Румен Радев со својата централно-левичарска „Прогресивна Бугарија“ е апсолутен победник на изборите во Бугарија со освоени 45 насто од гласовите. Резултатите од пребројувањето на гласовите сеуште не се конечни, но најверојатно е дека тој ќе освои 135 мандата во парламентот со 240 седишта и самиот ќе има мнозинство за формирање на влада.
Изборниот резултат навестува дека Бугарија ќе исплива од долгогодишната политичка криза, бидејќи во земјата за пет години дури осум пати се одржаа парламентарни избори, а бугарските влади беа резултат на неприродни коалиции и многу лесно паѓаа.
„Продолжуваме со промените“ на Асен Василев и „ГЕРБ“ на поранешнот премиер Бојко Борисов освоија по околу 13 насто од гласовите и секоја од нив ќе има помалку од 40 пратеници. Цензусот од 4 насто за влез во парламентот го надмина и националистичката „Взраждане“ со освоени 4,35 насто од гласовите.
Тој им вети на Бугарите решитална борба против корупцијата и ги поддржа антивладините протести во декември, кога поднесе оставка на функцијата претседател и формираше своја партија.
Румен Радев е познат по тврдите ставови во однос на преговорите со Македонија, беше противник на европската помош кон Украина и е обвинуван за блиски односи со Москва.
Слични новости
Британската Монархија во огромна криза по апсењето на поранешниот Принц Ендру
Британското кралско семејство се соочува со најтешката институционална криза во последните 90 години, откако беше уапсен Ендру Маунтбатен-Виндзор под сомнение за злоупотреба на јавна функција и поради неговата поврзаност со Џефри Епстин кој беше осуден сексуален претсапник.
Трамп: Не планираме да враќаме пари на компаниите поради царините
Американскиот претседател Доналд Трамп изјави дека САД не планираат да враќаат пари на компаниите поради царините што беа воведени за низа странски држави, а кои Врховниот суд ги поништи во петокот.
Си-Ен-Ен: Американската војска е подготвена уште викендов да го нападне Иран
Американската војска е подготвена уште викендов да го нападне Иран, иако претседателот на Соединетите Амеерикански Држави Доналд Трамп сè уште не донел конечна одлука за одобрување на таква акција, пренесува „Си-Ен-Ен“.