Поранешниот бугарски претседател Румен Радев со својата централно-левичарска „Прогресивна Бугарија“ е апсолутен победник на изборите во Бугарија со освоени 45 насто од гласовите. Резултатите од пребројувањето на гласовите сеуште не се конечни, но најверојатно е дека тој ќе освои 135 мандата во парламентот со 240 седишта и самиот ќе има мнозинство за формирање на влада.
Изборниот резултат навестува дека Бугарија ќе исплива од долгогодишната политичка криза, бидејќи во земјата за пет години дури осум пати се одржаа парламентарни избори, а бугарските влади беа резултат на неприродни коалиции и многу лесно паѓаа.
„Продолжуваме со промените“ на Асен Василев и „ГЕРБ“ на поранешнот премиер Бојко Борисов освоија по околу 13 насто од гласовите и секоја од нив ќе има помалку од 40 пратеници. Цензусот од 4 насто за влез во парламентот го надмина и националистичката „Взраждане“ со освоени 4,35 насто од гласовите.
Тој им вети на Бугарите решитална борба против корупцијата и ги поддржа антивладините протести во декември, кога поднесе оставка на функцијата претседател и формираше своја партија.
Румен Радев е познат по тврдите ставови во однос на преговорите со Македонија, беше противник на европската помош кон Украина и е обвинуван за блиски односи со Москва.
Слични новости
Мерц: Потезите на Трамп се опасна ескалација со неизвесен исход
Германскиот канцелар Фридрих Мерц упати остри критики до американскиот претседател Доналд Трамп, оценувајќи дека неговите постапки во врска со конфликтот во Иран претставуваат „огромна ескалација“, а не обид за мир.
Иран ја погоди базата „Принц Султан“ во саудиска Арабија ранети 12 американски војници
Најмалку 12 американски војници се ранети при ирански ракетен напад врз воздухопловната база „Принц Султан“ во Саудиска Арабија, јавија западни медиуми, повикувајќи се на официјални претставници на САД.
Бараж балистички ракети кон Израел – Хутите се вклучија во војната на Блискиот Исток
Јеменските Хути кои имаат поддршка од Иран потврдија дека за првпат го нападнаа Израел од почетокот на американско-израелската воздушна кампања против Иран.