Американскиот државен секретар Марко Рубио денеска изјави дека американскиот претседател Доналд Трамп верува оти „Израел е доволно напреден и богат“ за да купува американско оружје без да се потпира на американска воена помош.
Рубио им изјави на новинарите на состанокот на Г7 во Париз дека Трамп сака што поскора да го оконча актуелниот финансиски аранжман со Израел. „Може да купуваат оружје од нас, но ние повеќе нема да мора да го обезбедуваме финансирањето“ изјави Рубио.
Премиерот Бенјамин Нетанјаху претходно изјави дека сака да го изведе Израел од системот на американска воена помош во наредните десет години, но Трамп сега навестува дека тоа може да се случи до крајот на годината.
Слични новости
Нетанјаху: „Мораме да ја завршиме мисијата“
Нетанјаху порача дека земјата мора да продолжи со воените цели против Иран, Хезболах и Хамас. Нетанјаху, кој се подготвува за парламентарните избори на 27 октомври, пред приврзаниците на Ликуд повика на продолжување на, како што го нарече, процесот на исполнување на мисијата.
Пентагон со план за повлекување на речиси една третина од американските сили од Европа
План за повлекување авиони, воени бродови, оружје и десетици илјади американски војници од Европа разгледува Пентагон, и покрај предупредувањата од сојузниците на НАТО за растечката закана од руска агресија, јави Ен-Би-Си повикувајќи се на сегашни и поранешни западни и американски функционери.
Вучиќ за пресудата за Тачи: Нема причина ни за радост ни за жалост
Српскиот претседател Александар Вучиќ изјави дека Србија „во овој момент нема причина ниту да се радува ниту да тагува“ по пресудата со која поранешниот косовски претседател Хашим Тачи беше осуден на 25 години затвор за воени злосторства.


