Американскиот државен секретар Марк Рубио изјави дека Ормутскиот теснец меѓу Иран и Оман мора да биде отворен „на овој или оној начин“. По најновите американски напади врз Иран Рубио рече дека преговорите за договор со Иран би можеле да потраат неколку дена, но дека Ормутскиот теснец ќе мора да биде отворен преку договор или со сила.
Нападот на американските сили во јужен Иран бил насочен токму кон места за лансирни ракети кај Ормутскиот теснец како и врз чамци во Ормутскиот теснец.
Американската војска соопшти дека нападите врз Иран биле превентивни и со цел за заштита на американските трупи.
Слични новости
Бројот на жртви се искачи на 90 по експлозија на гас во рудник во Кина
Речиси 250 луѓе работеле под земја во рудникот кога се случила експлозијата. Стотици спасувачи се испратени на местото на настанот. Снимките од државните медиуми покажуваат болничари како носат носилки на местото, а во позадина се гледаат амбулантни возила.
Иран и САД не постигнаа договор за завршување на војната, но разликите се намалени
Иран и САД сеуште не постигнаа договор за завршување на војната, но разликите меѓу Вашингтон и Техеран се сепак намалени, изјави висок ирански извор за Ројтерс. Меѓу спорните точки остануваат иранското збогатување на ураниум и контролата врз Ормутскиот теснец.
Трамп најави дополнителни 5.000 американски војници во Полска
Соединетите Американски Држави ќе испратат дополнителни 5.000 војници во Полска, соопшти американскиот претседател Доналд Трамп. Оваа најава на Трамп доаѓа по само два дена откако потпретседателот Џеј Ди Венс пред новинарите изјави дека распоредувањето на американските сили во Полска се одложува.