Државниот секретар на САД, Марко Рубио, и главниот преговарач на Украина, Андриј Еермак, во неделата го поздравија „добриот напредок“ во тековните разговори во Женева за планот на американскиот претседател Доналт Трамп за запирање на војната со Русија, а украинскиот претседател Володимир Зеленски му се заблагодари на Трамп за неговите напори да ѝ помогне на Украина.
„Мислам дека имавме веројатно најпродуктивната и најзначајната средба досега во целиот овој процес“, им рече Рубио на новинарите, додавајќи дека делегациите ќе продолжат со своите дискусии.
Украинскиот претседател Володимир Зеленски во неделата изјави дека Украина им е благодарна на Соединетите држави и на претседателот Доналд Трамп за сите напори на Вашингтон насочени кон помагање на Киев.
„Украина е благодарна на САД, на секое американско срце, а особено на претседателот Трамп за помошта што, почнувајќи од Javelin (противтенковски ракети), спасува украински животи“, напиша Зеленски на Telegram откако Трамп рече дека украинските челници не изразиле „никаква благодарност“ за американската помош.
Зеленски, исто така, изрази благодарност до Европа и групите земји од Г7 и Г20 за нивната помош, велејќи дека напорите за одржување на таа поддршка се важни.
„Затоа работиме толку внимателно на секоја точка, на секој чекор кон мирот. Сè мора да се разработи правилно за да можеме навистина да ја завршиме оваа војна и да спречиме повторно да се случи војна“, напиша Зеленски.
Слични новости
Калас: САД остануваат најголем сојузник на ЕУ
Шефицата за надворешна политика на Европската унија, Каја Калас, изјави во саботата дека САД остануваат најголем сојузник на Европа
Бела куќа: Претставници на САД и Украина одржаа продуктивна средба во Мајами, закажани натамошни разговори
Специјалниот пратеник на претседателот на САД, Доналд Трамп, Стив Виткоф одржа продуктивни разговори со високиот преговарач од Украина, Рустем Умеров, во Мајами, Флорида, соопшти претставник на Белата куќа
Зеленски го отстрани Јермак и од Советот за национална безбедност и од врховната команда
Украинскиот претседател Володимир Зеленски го разреши својот поранешен шеф на кабинетот, Андриј Јермак, од Советот за национална безбедност, во екот на обемната истрага за корупција што го потресе Киев