Интересот на американскиот претседател Доналд Трамп за купување на Гренланд „не е шега“, рече државниот секретар Марко Рубио во интервјуто во четвртокот, додавајќи дека стекнувањето на Гренланд е во национален интерес на САД и дека тоа прашање треба да биде решено.
Како и во првиот свој претседателски мандат, Трамп веднаш по враќањето во Белата куќа изрази интерес Гренланд, автономна територија на Данска, да стане дел од САД по неговиот реизбор во ноември. Тој не ја исклучи можноста за употреба на воена или економска моќ за да се убеди Данска да ја предаде територијата.
Рубио изјави за емосјата „The Megyn Kelly Show“ на Sirius XM дека Трамп сака да го купи Гренланд и не ја исклучи можноста употребата на воен притисок.
„Ова не е шега. Не станува збор за стекнување земјиште заради стекнување земјиште. Ова е наш национален интерес и треба да се реши“, рече Рубио.
Гренландскиот премиер Муте Егеде, кој ги засили напорите за независност, постојано изјавува дека островот не е на продажба и дека неговите граѓани треба да одлучат за својата иднина.
Рубио во интервју рече дека Арктикот ќе стане критичен за бродските рути и дека САД мора да бидат способни да го бранат. Тој предупреди дека американскиот ривал Кина може да се обиде да го развие своето присуство во областа.
На прашањето дали САД ќе го поседуваат Гренланд за четири години, Рубио одговори: „Очигледно е дека тоа е приоритет на претседателот и тој јасно го кажа тоа (…) Сè уште не сме во позиција да зборуваме за тоа како точно тактички ќе продолжиме. Она во што можете да бидете уверени е тоа дека за четири години нашиот интерес за Арктикот ќе биде посигурен“.
Слични новости
Оштетувањето на кабелот меѓу Шведска и Латвија не е саботажа
Прекинот на подводниот кабел со оптички влакна меѓу Латвија и Шведска на 26 јануари не е саботажа, објави во понеделникот шведскиот обвинител задолжен за случајот, со што ја поништи заплената на осомничениот брод
Вработените во FBI мора да ги откријат своите улоги во истрагите за нападот на Капитол
Вработените во американското Федерално биро за истраги (FBI) во неделата добиле наредба да одговорат на прашалникот за секоја активност што можеби ги вршеле во однос за кривичните случаи поврзани со упадот на вашингтонски Капитол на 6 јануари 2021 година
Европа предупредува на економски штети од трансатлантската трговска војна
Високата претставничка за надворешна политика на Европската унија, Каја Калас, рече дека ако САД и Европа започнат трговска војна, „тогаш таа што се смее отсрана е Кина“