Поранешната бразилска ѕвезда Роналдо сака да го замени Едналдо Родригеш на функцијата претседател на Бразилската фудбалска асоцијација, а светскиот шампион од 1994 и 2002 година ја најави својата кандидатура за редовните избори во март во 2026 година во интервју за порталот Globo.
„Веќе 20 години во бразилскиот фудбал владее некаква стагнација, без перспектива“, критикуваше 48-годишниот во разговорот и додава „Сите се незадоволни“.
Родригеш, кој сега има 70 години, е обвинет за нерегуларности на изборите во 2022 година на чело на Бразилската конфедерација. Во меѓувреме, судот во државата Рио де Жанеиро го смени од функцијата, а на таа функција се врати дури по налог на Врховниот суд.
Во бразилскиот фудбал, согласно статутот, можни се и предвремени избори од март 2025 година.
„Овие административни скандали, забрани, обвинувања… сево ова не му помага на бразилскиот фудбал. Мораме да обрнеме внимание, да видиме што се случува, што може да се случи и да бидеме подготвени за ситуацијата“, рече Роналдо, додавајќи дека проблемите на Бразилската федерација е многу подлабоко од самиот Родригеш.
Како претседател на CBF, Роналдо ќе мора да се откаже од сопствениот удел во шпанскиот прволигаш Реал Ваљадолид. Уште во април Роналдо најави продажба на акциите на клубот.
Слични новости
Оклахома Сити и Милвоки во полуфиналето на НБА Купот
Кошаркарите Оклахома Сити Тандер и Милвоки Бакс синоќа се пласираа во полуфиналето на НБА Купот победувајќи ги Далас Маверикс и Орландо Меџик
Преглед на фудбалската Лига на шампионите
Актуелниот европски првак Реал Мадрид во Бергамо ја победи домашната Аталанта со 3:2 во натпреварот од 6. коло на Лигата на шампионите, Баерн Минхен мина низ Гелзенкирхен совладувајќи го Шахтјор со 5:1, додека Баер Леверкузен го совлада Интер во последните моменти од натпреварот
ВТА ја прогласи Сабаленка за тенисерка на годината
Откако успешно ја одбрани титулата на Австралија опен во јануари, Сабаленка го освои УС Опен во септември, нејзина трета Грен-слем титула во кариерата, а еден месец подоцна ја прескокна полската тенисерка Ига Швјонтек на врвот на ВТА рангирањето