Португалскиот фудбалер Кристијано Роналдо повторно е на врвот на листата на најплатени спортисти во светот со вкупен приход од 260 милиони долари во 2024 година, објави порталот Sportico.
На листата се наоѓаат спортисти од 27 земји и осум спортови кои минатата година заработиле вкупно 6,2 милијарди долари.

На листата се најдоа НБА кошаркари – 35, потоа играчи на американски фудбал (рагби) – 23, фудбалери – 12, бејзбол играчи – 11, голфери – 9, боксери – 6 и по двајца возачи во Формула 1 и двајца тенисери.
Од вкупната сума, 4,8 милијарди долари се однесуваат на плати и наградни пари а 1,4 милијарди долари на заработка надвор од теренот.
На врвот на листата е Роналдо кој лани заработил 260 милиони долари, од кои 215 милиони од плата. Втор е НБА кошаркарот Стивен Кари од тимот на Голден Стејт Вориорс со 153,8 милиони долари, додека на третото место е британскиот боксер Тајсон Фјури со 147 милиони долари.
Првата петорка ја заокружуваат аргентинскиот фудбалер Лионел Меси со 135 милиони долари и кошаркарот на Лос Анџелес Лејкерс, Леброн Џејмс со 133,2 милиони долари.
Меѓу Топ 100 по заработка нема ниту една спортистка. Најмногу заработила американската тенисерка Коко Гоф – 30,4 милиони долари.
ТОП 10:
Кристијано Роналдо (Португалија/ фудбал) 260 милиони долари
Стивен Кари (САД/ кошарка) 153,8
Тајсон Фјури (Велика Британија/ бокс) 147
Лионел Меси (Аргентија/ фудбал) 135
Леброн Џејмс (САД/ кошарка) 133,2
Нејмар (Бразил/ фудбал) 133
Олександр Усик (Украина/ бокс) 122
Карим Бензема (Франција/ фудбал) 116
Килијан Мбапе (Франција/ фудбал) 110
Јон Рам (Шпанија/ голф) 105,8….
Слични новости
Арсенал се откажа од борбата за титулата
Тренерот на Арсенал Микел Артета кој на вчерашниот напревар со Манчестер Јунајтед по 200 пат водеше екипа во Премиер лигата, нема големи причини за прослава на јубилејот, откако стана јасно дека Арсенал уште една сезона нема да може да стигне до титулата.
Клиперси го победија Сакраменто по продолженија 111:110
Кошаркарите на ЛА Клиперс утринава на свој терен по продолженија го победија Сакраменто со резултат 111:110. Најефикасни во екипата на Клиперс беа Џејмс Хардen со 29 коша и 11 асистенции, а Ивица Зубац постигна 22 коша и 14 скокови.
Најтежок домашен пораз на Јуве по шест децении
Аталанта му го нанесе најтешкиот пораз на Јувентус на домашен терен во последните 60 години. Во дербито од 28. коло на италијанското фудбалско првенство, Аталанта го понижи Јувентус со 4:0 во Торино, остварувајќи ја првата победа на последните девет меѓусебни средби